The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
KI-gestützte Lerntools freischalten
Registriere dich, um leistungsstarke Tools zu nutzen, die dir helfen, schneller aus jedem Video zu lernen.
ليه بنتخن في رمضان؟ | الدحيح
Lernstatistiken
GER-Niveau
Schwierigkeit
Untertitel (483 Segmente)
أهلًا بيكم في حلقة جديدة، من برنامجي أنا، مش برنامجكم انتم.
من برنامج "دكتور (صاصا)".
النهاردة، الحمد لله، معانا مُعلن جديد، اسمه مطعم "الفيليه الأزرق".
حاسين الاسم دا مزيف؟ دا حقيقي!
لأن الاسم فعلًا مزيف، مفيش معلنين ولا حاجة.
أنا كان نفسي أمي... تشوفني حاجة كبيرة!
خلّينا متفقين، إن مفيش حاجة اسمها وزن مثالي.
مفيش حد مثالي غير "كريم عبد العزيز".
ممثل محترم وناجح وفي حاله، و"واحد من الناس".
ناس كتير سألتني، "ازاي يا دكتور (صاصا) بنتعامل مع الميزان؟"
هقولّكم.
بنطلونك اضيَقّ عليك، اضيَقّ عليه!
بتسأل عن بديل صحي للكفتة؟ مفيش بديل، حطها في الطحينة وكُلها.
عايز تبدأ رياضة، ومش عارف تبدأ منين؟ وأنا كمان على فكرة.
مش عارف تخس قبل فرحك؟ الغي الفرح، الجواز وحش، بيتخّن!
ناس كتير بتسألني، "ازاي أقاوم الأكل وأنا عامل (دايت)؟"
بُص يا أسطى، الحاجة الوحيدة اللي تقاومها هي الاحتلال الإنجليزي،
أي حاجة تانية، ما تقاومهاش! استسلم، Submit!
بييجي أسئلة كتيرة، "هل الصيام المتقطع ليه فوايد؟"
ليه متقطع؟ يا تاكل يا ما تاكلش. دا اسمه تردد.
وأنا ما عنديش تردد غير في الـ"نايل سات"!
أمي كانت دايمًا تقولّي، "يا (صاصا)، نفسي أشوفك حاجة كبيرة."
عشان كدا، زدت 20 كيلو في البرنامج. بحبك يا أمّا.
لو عجبتك الحلقة دي، اشترك في قناة "دكتور (صاصا)".
ولو ما عجبتكش، غور في 60 داهية، عشان دكتور "صاصا" مش هيقف على حد!
وخاصةً، واحد مثلك.
بقولّك إيه؟ اشترك قبل ما تغور، عشان تحسّن دخل دكتور "صاصا"، Please.
هه؟ والنبي!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة من برنامج "الدحّيح".
عزيزي المشاهد، اكتب ورايا هذا النظام الغذائي بسرعة.
الفطار، كُبايتين قهوة، 3 سندوتشات بيض مقلي بالجبنة والمايونيز والخس.
والطماطم والبصل المقلي.
5 بيضات "أومليت"، 3 شرايح "فرينش توست"،
3 "بانكيك تشوكليت تشيب"
طبق عصيدة، أو فتة لبن.
وعلى الغدا، نُص كيلو مكرونة وسندوتشين كُبار،
لحمة بالجبنة والمايونيز.
عيش أبيض، مشروبات طاقة تعملّها بتاع 1000 كالوري.
وعلى العشا، نُص كيلو مكرونة تاني، وبيتزاية كاملة،
ومشروبات طاقة، وادّيها لحد ما تقفّل الـ"تارجت".
خلّي بالك، يا عزيزي، الـ"تارجت" اليومي من الكالوريز بتاعك، 12 ألف كالوري.
"هما مش كانوا 2000 للذكر يا (أبو حميد)؟"
عشان كدا، يا عزيزي، مهم تقسّمهم 4000 كالوري لكل وجبة،
هتفطر 4000، هتتغدى 4000، وهتتعشى 4000.
"معلش يا (أبو حميد)، يبدو إن انت حصل عندك لبس،
بس التاني معضّل وأقرع، واسمه الحقيقي (ممدوح)
ومعاه مستر (أولمبيا)، مش أنا! أنا مش (بيج رامي)
دا يا (أبو حميد) نظام غذائي للنفخ مش للتخسيس!"
عزيزي، احنا لسة بنتكلم عن الأكل الصحي.
والحقيقة، اللي ذكرتهولك دا، هو البرنامج اليومي لـ"مايكل فيلبس"،
أسطورة السباحة الأمريكي، في أولمبيات 2008.
"مايكل" كان لازم يضرب 12 ألف كالوري في اليوم،
عشان يقدر يعوم 5 ساعات يوميًا، بمعدّل 80 كيلو عوم في الأسبوع.
"مايكل" في بطولة 2008، حصل على 8 ميداليات دهب،
وصل برقمه الأولمبي لـ18 ميدالية في عين العدو!
أنا بقول، يا عزيزي، انت تجرّب هذا النظام، وهتنزل البحر وهتعوم،
هتبقى قريب منك للفقمة أكتر من "مايكل فيلبس"، بس هتمشي!
لو دا مش عاجبك يا عزيزي، خلّينا نجرب نظام تاني،
بطله هو "أنجوس باربيري".
دا، يا عزيزي، بطل في الجوع.
شاب أسكتلندي كان وزنه 207 كيلو، سنة 1965،
وقرر، بكل بساطة، إنه هيبطّل أكل خالص.
هيفضل صايم تمامًا، لحد ما يخس، أو يموت!
غالبًا، دي كانت فكرته، والدكاترة طاوعوه عليها.
الغريبة، يا عزيزي، بقى، إنه نجح، واستمر،
الحقيقة، إنه فضل صايم سنة و17 يوم صيام كامل.
مفيش غير مشروبات 0 كالوري،
دا غير طبعًا، الفيتامينات والأدوية ومتابعة المستشفى.
لك أن تتخيل، يا عزيزي، خس أد إيه؟ خس 125 كيلو.
من ساعتها، يا عزيزي، وفكرة الصيام، أو الصيام بالميّه، الـWater-Only Fasting
بتطارد الدكاترة زي الكوابيس.
قبل، يا عزيزي، ما تتحمس لهذا النظام،
خلّيني أقولّك، إن الراجل دا عُملة نادرة.
وفيه أمثلة كتير جدًا، لمّا حاولت تعمل النظام دا، ماتوا.
زي "سارة جايكوب"، المعروفة بـ"الفتاة الويلزية الصائمة".
"سارة" توقفت عن الأكل في أكتوبر 1867،
وقتها، الناس افتكروها ساحرة،
أو عندها قدرات خاصة أو نصابة.
وبقت الدكاترة والممرضات يروحوا يراقبوها صبح وليل،
عشان يشوفوها بتاكل في السر ولّا لأ.
وبدل ما يلحقوها بأي شكل، فضلوا يتخانقوا على مشكلتها.
أبوها وأمها سابوها، منعوا الناس إن هما يأكّلوها.
احترامًا لرغبتها.
لحد ما البنت ماتت، 1869.
ودي، يا عزيزي، النهاية الطبيعية لأي حد ما بياكلش.
بقية القصة كانت عنيفة برضه،
لأن أبوها وأمها اتحاكموا بتهمة القتل من الدرجة التالتة. Manslaugter.
بنتهم ماتت، واتحبسوا هما الجوز.
"سارة جايكوب" وعيلتها غلطانين!
لا تكوني مثلهم، يا عزيزتي، حتى لو كان فرحك بعد 5 أيام!
أما بقى عزيزي، فما شاء الله، سرّته طالعة من القميص منورانا!
كرشه داخل تالت معانا في الكوشة!
عمومًا، يا عزيزي، أنا عارف، إن انت مش عايز تكون بطل أولمبي،
ولا عايز تموت من الجوع.
انت بس عايز تخرج من رمضان من غير ما تتخن،
تقفل سوستة البنطلون من غير ما تفرقع في وشك!
Vollständige Untertitel im Videoplayer verfügbar
Mit Übungen trainieren
Erstelle Vokabel-, Grammatik- und Verständnisübungen aus diesem Video
Kommentare (0)
Zum Kommentieren AnmeldenRegistriere dich, um alle Features freizuschalten
Verfolge deinen Fortschritt, speichere Vokabeln und übe mit Übungen
Interaktiver Modus
Quiz
Richtige Antwort:
Ähnliche Videos
أغنية Jeene Laga Hoon مترجمة عربي
نغمة _ ليلة البيبي دول / موسيقي تصويرية | Tone _ Night Baby Doll / Soundtrack
الموسيقار ياسر عبد الرحمن - موسيقى أيام السادات ( نسخة أصلية ) | Days Of Sadat - Yasser Abdelrahman
المربية الخارقة (super nanny ) تربية الاطفال على النوم بمفردهم ومعاناة الابوين من ذلك
إبداعات (عصام الشوالي) في الكلاسيكو /أجمل مقدمة!!
New Media Academy Life
Quiz
Richtige Antwort:
Quizfragen erscheinen beim Anschauen des Videos
Merkhilfe
Aus diesem Video
Kostenlos Sprachen lernen
