The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
KI-gestützte Lerntools freischalten
Registriere dich, um leistungsstarke Tools zu nutzen, die dir helfen, schneller aus jedem Video zu lernen.
لغة الجسد | الدحيح
Lernstatistiken
GER-Niveau
Schwierigkeit
Untertitel (665 Segmente)
زي ما بأقول لحضرتك كدا يا دكتور،
المريض لحق السكّينة برد فعل مش طبيعي،
مش طبيعي!
أنا عايز أفتكر بس
أني مين وبأعمل إيه هنا!
صدّقني، احنا بنحاول نعرف عنك أي معلومة من ساعة ما لقيناك.
أني مش فاكر أي حاجة،
غير تتر "الضوء الشارد"،
دي Game of Thrones!
طيب، ثانية واحدة كدا.
مش ممكن!
مش ممكن فعلًا!
قُلتلك يا دكتور.
ذاكرة الجسد عندك زي ما الممرضة قالت!
ذاكرة مقاتل!
كيف يعني؟
مهاراتك في استخدام السكّينة دي مهارات ظابط...
يا نينجا!
بس هو فيه نينجا بيتكلم صعيدي يا دكتور؟!
النينجا يقدر يعمل أي حاجة،
دُول أخف من الدخان،
وأسرع من الإنترنت الأرضي!
وبعدين، انتي ناسية إن احنا لقيناه لابس أسود في أسود؟
أيوة، وكان مكتوب على لبسه بالياباني.
هتتعوّر يا ابني، هتتعوّر!
شايفة؟
الراجل دا أكيد عضو في جماعة سرّية،
من اللي هما بيعيشوا في الظل، وبيعبدوا الشروق.
تفتكر النينجا دا بيحقق العدالة؟
ولّا بيصفّي الناس بدم بارد؟
آلو.
أيوة يا فندم، المريض فاقد الذاكرة بالفعل.
طلع نينجا، صح؟
حضرتك متأكد يا فندم؟
طيب، تمام.
شكرًا ليك.
قتّال قتلى، مش كدا، صح؟!
طلع "شيف"!
"شيف" Seafood، وإيطالي.
طب والطاقم الأسود؟ والكتابة الياباني؟!
طلع لسة متعيّن في مطعم السوشي اللي على أول الشارع.
حاسس إني عايز أجطّع طماطم، مش عارف ليه!
حد معاه خيار هنا؟!
بما إنه هنا، ما تيجي نتعشى سوشي.
وتتحسب أنا اللي عازم.
لأني اللي اقترحت.
للأسف يا فندم، مش هينفع السوشي، ما عندناش ترياكي!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
في سنة 1933،
بيقع الطفل "هنري" من على العجلة، وبيخبط راسه،
"هنري" بيقوم، بينفّض هدومه، وبيكمّل يومه عادي.
اللي بيحصل، يا عزيزي، إن بعد كام سنة،
بتبدأ تظهر عليه نوبات صرع خفيفة،
ومع الوقت، النوبات دي حدتها بتزيد،
بيوصل، يا عزيزي، للعشرينات،
والنوبات دي بتبدأ تمنعه إنه يمارس حياته بشكل طبيعي،
بيجرب أدوية يمين وشمال، ما فيش حاجة شغالة!
"هنري" من كتر المعاناة بقى مستعد يجرب أي حاجة.
في سنة 53، هيزور طبيب اسمه "ويليام سكوفيل"
هيقترح عليه إنه محتاج يعمل جراحة،
هيخش بمشارطه، ويشيل جزء من فصوص الدماغ
من على منطقة اسمها الحُصين، اللي هي الـHippocampus،
المشكلة، يا عزيزي، إن دي منطقة أساسية في تكوين الذكريات.
المهم، بيعمل بطلنا "هنري" العملية،
واللي بيلاحظه إن النوبات بتبدأ تقل بشكل كبير.
"الله! حلو وجميل! يلّا نقفل الحلقة يا (أبو حميد) ونختمها؟"
استنى، بتبدأ تظهر مشكلة أصعب،
هنا، "هنري" ذاكرته بتتعطل تمامًا،
فاكر كل حاجة قبل العملية،
لكن بعد العملية، ما فيش حدث بيستقر في مخه،
ما عادش قادر يفتكر الناس الجديدة اللي بيقابلها،
حتى لو كان بيقابلها كل يوم،
بيخش في محادثات عادي، بس بعد دقايق، بينسى كل اللي قاله!
"هنري"، يا عزيزي، فقد ذاكرته قصيرة المدى،
فضل في ذاكرته عنده 27 سنة،
وفضل عايش لحد 82 سنة،
وطول الوقت دا، يا عزيزي، لمّا كان يبص للمراية، كان بيتخضّ،
لأن آخر صورة في دماغه كانت وهو شخص شاب عنده 27 سنة.
حالة "هنري"، يا عزيزي، تُعتبَر واحدة من أهم حالات الـNeuroscience،
تقريبًا، دا أكتر إنسان هيتم دراسته في تاريخ علم النفس،
دا لحد النهاردة احنا محتفظين بمخه،
ليه؟ لأن حالته كشفتلنا معلومة ثورية.
زمان، يا عزيزي، احنا كنا فاكرين إن الذاكرة ليها مكان واحد في الدماغ،
ولكن بعد ما تم استئصال الحتة دي عند "هنري"،
لاحظنا حاجة غريبة جدًا،
إن برغم إن هو ما عادش قادر يفتكر حاجات،
إلا إنه قادر إنه يتعلم مهارات،
زي إيه مثلًا؟ زي السواقة والرسم،
فانت تيجي تقولّه معلومة، تيجي تسأله فيها بعدها، تلاقيه ناسي،
لكن تيجي تعلّمه حاجة يعملها، بتلاقيه بيتحسّن فيها،
برغم إن هو ممكن ما يفتكرش إن هو عملها قبل كدا،
زي ما تقول كدا، يا عزيزي، كأن جسمه
بيمتلك ذاكرة مختلفة عن الذاكرة اللي احنا نعرفها،
كأن جسمه مخزن ذكريات.
علم النفس، يا عزيزي، بيقسّم الذكريات لنوعين،
ذكريات صريحة، حاجات واضحة كدا،
بنفتكرها بوعي ونقول: "أنا فاكر الحدث الفلاني."
دي بتتخزّن في دوائر الحُصين،
وبرضه، في قشرة المخ الأمامية، الـFrontal Cortex،
ودي عادةً محتاجة للغة، عشان نقدر نستدعيها،
نـRecall، تعالي يا ذاكرة،
دا نوع من الذكريات.
النوع التاني من الذكريات هي ذكريات ضمنية،
دي حاجات مش بندركها بالعقل
لأ، بندركها بالأحاسيس، بردود الفعل.
دا هيخلّي دراسات الذاكرة تتطور،
عشان يظهر في آخر 20 سنة
مفهوم جديد، اسم هذا المفهوم "ذاكرة الجسد"،
بيقولّك، مش بس الدماغ هي اللي بتخزّن ذكريات،
لا، دا جسمك نفسه قادر يخزّنها،
ودا هيخلّي الموضوع أعقد بكتير،
أعقد بكتير من إن أنا أشاورلك على مكان بعينه،
وأقولّك: "آه، أهو، هو دا الـFlash Memory."
الباحث "توماس فوكس" قسّم ذاكرة الجسد لأنواع،
أول نوع هو ذاكرة العادة،
الـHabitual Body Memory،
الجسم بيكتسبها بالتكرار،
زي مثلًا، السواقة، العزف،
حاجات انت ممكن ما تبقاش واعي أوي وانت بتعملها،
دي، يا عزيزي، بنسميها ذاكرة العضلات،
ودا، يا عزيزي، اللي بنلاحظ في الـGym،
لمّا بنبقى مثلًا موقّفين تمرين، ونرجع نتمرن تاني،
عضلاتنا اللي بتيجي، بتيجي أسرع من لو احنا لسة أول يوم لينا في الـGym.
الجسم، يا عزيزي، بيفضل فاكر العادة، حتى لو بعِد عنها سنين،
زي مثلًا، لمّا تبطّل عَجَل، وترجعله بسهولة،
جسمك بيحفظ العادة، حتى ومخك حالته متدهورة.
مرضى "ألزهايمر" مثلًا تقدر تعلّمهم مهارات حركية جديدة،
ممكن ما يفتكروش، بس بتلاقي مستوياتهم تقدر تتحسّن،
لو فضلوا يتدربوا بشكل منتظم،
كأن العضلات بتطور ذاكرة
ما بتعتمدش على مناطق الذاكرة الصريحة اللي موجودة في المخ.
والموضوع، يا عزيزي، مش في الحاجات الكويسة بس،
Vollständige Untertitel im Videoplayer verfügbar
Mit Übungen trainieren
Erstelle Vokabel-, Grammatik- und Verständnisübungen aus diesem Video
Kommentare (0)
Zum Kommentieren AnmeldenRegistriere dich, um alle Features freizuschalten
Verfolge deinen Fortschritt, speichere Vokabeln und übe mit Übungen
Interaktiver Modus
Quiz
Richtige Antwort:
Ähnliche Videos
لو عمرك بين 13 - 18 سنة ، رجاءا شاهد هذا الفيديو !
الإسعافات الأولية بحال الإختناق عند الأطفال والكبار
أفضل 20 مسلسل تركي حتى 2026 | قائمة بأفضل المسلسلات التركية 🔥
رحلتي إلى المغرب 🇲🇦.. بالتفاصيل (11يوم) 😎💯
ستوديو الماتش - الأستوديو التحليلي بعد مباراة الأهلي و زد إف سي في الجولة الـ 20 من دوري نايل
New Media Academy Life
Quiz
Richtige Antwort:
Quizfragen erscheinen beim Anschauen des Videos
Merkhilfe
Aus diesem Video
Kostenlos Sprachen lernen
