The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
Desbloquea herramientas de aprendizaje con IA
Regístrate para acceder a herramientas potentes que te ayudan a aprender más rápido con cada video.
كريستيانو رونالدو - الجزء الأول | الدحيح
Estadísticas de aprendizaje
Nivel MCER
Dificultad
Subtítulos (616 segmentos)
شايف مُلخّص لمسات الكابتن "أشرف"؟
شايف المهارة؟
شايف الحس التهديفي؟
دا حس دُعابي!
إيه القرف دا يا أستاذ...؟!
أمامك "محمود إحسان"، مدير أعمال الكابتن "أشرف"، الظاهرة الجديدة!
ظاهرة إيه؟!
دا جري 10 ثواني، وباقي الفيديو واقف بينهَج!
مستحيل أشتريه طبعًا!
النادي بيهبط!
يا أستاذي، انت عارف "أشرف" عنده كام Follower؟
آه، لأ، معلش، ثانية واحدة!
هو "أشرف" من اللي هما بيبقوا مشهورين على النت بقى، فهيعملّنا دعاية و...؟
"أشرف" عنده 5 مليون متابع، منهم 3 مليون تابع!
ها، إيه رأيك في "أشرف"؟
دا أشرف منّي أنا شخصيًا! أنا اشتريت خلاص!
بُص، احنا مش طالبين كتير،
هما 20 مليون جنيه.
هما 5 مليون، و200 ألف لو كسب الـ"سوبر"! مش هدفع أكتر من كدا!
المحلّي ولّا القارّي؟
يا عم، إن شا الله حتى ناخد الـ"سوبر (هنيدي)"،
احنا ما خدناش ولا بطولة من ساعة ما بدأنا!
الله! أمّال إيه كل الكؤوس والميداليات والحاجات اللي في المكتب دي؟!
لا، "أمازون" كان عامل عرض، قُمت شاري!
يا عم، زُق معانا البيعة بقى! عارف الراعي لو جه؟
هياخد النادي في حتة تانية خالص!
حيث كدا بقى، الوكيل له 30%،
وشركة التسويق ليها 30%،
ومرات "أشرف" ليها 30 زيهم.
و"أشرف" له 10% بس؟!
ما عشان يفضل مركّز في الملعب، أديك شايف تألُّقه!
إيه؟! تألُّق؟
تصدّق وتؤمن بالله؟ أنا في حياتي اشتغلت مع أكتر من 2000 لاعيب،
من كل الأعمار والمستويات والمراكز،
أهو "أشرف" دا أسوأ 3 فيهم!
احنا هنسمّيه "برونو أشرف"،
ونحسبه على الجمهور محترف،
شهرين، ونبيعه ونقول، الواد ما انسجمش مع فرقته،
وأهو كُلّه بنسبته!
صحيح!
الكورة رياضة...
- أيوة يا "سمير"، جهّزلنا الكابتن "أشرف" كويس. - ...والكُل بيتراضى!
أيوة يا عم، طلّعه من شنطة العربية، خلّيه يتهوّى شوية!
ولو محتاج مساعدة، كلّم الأمن اللي قُدّام النادي،
أهو يشيل معاك شوية.
وهتلاقي بصل وتوم قُدّام، عشان لو احتجت تفوّقه.
هو "أشرف" كويس؟!
بيتصرّف بكامل إرادته؟!
هتشوفه حالًا.
- ألف مبروك يا أبو الكباتن! - الله يبارك فيك!
الله يبارك فيك!
!Yes
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
النهاردة، هي أول حلقة في الموسم، يا عزيزي،
بمناسبة إن هي أول حلقة، فاحنا اختارنا موضوع،
الناس كلها بتُطالب "الدحّيح" من ساعة ما بدأ، سنة 2014،
بعمل حلقة عنه.
وهو اللاعب المعروف بـ"كريستيانو رونالدو" أو CR7.
صاروخ "ماديرا"، الـ"دون"، أبو "مغاوري"، "كريستيانو رونالدو".
يوم 30 ديسمبر سنة 2022،
يعلن نادي "النصر السعودي" الاتفاق النهائي مع اللاعب "كريستيانو رونالدو"،
بأعلى مُرتّب في تاريخ كورة القدم، لحد تصوير هذه الحلقة،
وبعدها، الدنيا اتقلبت!
Account "النصر" في ظرف أيام على "إنستجرام" بيقفز قفزة هائلة،
من 500 ألف Followers، لأكتر من 8.5 مليون Followers،
ويوصل إجمالي متابعينهم على كل المنصات، 15 مليون،
ويوم 19، "كريستيانو" بيلعب أول "ماتش" له على ملعب "الملك (فهد)"،
قُدّام "باريس سان جيرمان"، في وجود "ميسّي"،
الـ"ماتش" بيتنقل على 36 محطة رياضية،
منها محطات رياضية في "البرتغال" و"المكسيك" و"تركيا"،
وفي "الماتش" دا، "رونالدو" بيسجّل أول هدف ليه مع "النصر"،
ويحتفل احتفاله المشهور،
الاحتفال اللي هو يُعتبر علامة تجارية أو Trademark!
وعند ذِكر الـTrademark، تبدأ حكايتنا مع الـ"دون"،
الـ"دون" ليس اللاعب، ولكن رجُل الأعمال أو الـBrand.
في بداية الألفينات، شركة الأحذية والأدوات الرياضية "نايكي"،
عملت حملة دعائية تحت اسم Joga Bonito، أو "اللعبة الجميلة"، باللغة البرتغالية.
الحملة دي، يا عزيزي، ضمّت نجوم كتير،
زي "رونالدو" البرازيلي، الظاهرة، "رونالدينيو"، "تيري هنري"، والـGolden Boy "واين روني"،
وكان فيه إعلان ضمن الحملة، بيجمع بين "زلاتان إبراهيموفيتش" و"كريستيانو رونالدو"،
الاتنين بيستعرضوا مهاراتهم وبنشوف مين فيهم الأحرف،
المفارقة إن "إبراهيموفيتش" و"رنالدو"
هما الاتنين أصحاب المسيرة الأطول وسط كل اللاعيبة اللي شاركت في الحملة دي،
الاتنين لعبوا لأكبر الأندية، وقدّموا مواسم عظيمة، فازوا بأهم بطولات.
بس هناك مفارقة تانية مهمة،
وهي إن وقتها، كان "زلاتان" نجوميته أعلى من "كريستيانو"،
وكان عنده "كاريزما" قُدّام الجمهور أكبر،
كفاية إن هو كان صاحب كابتن "ميجان".
هو البطل اللي بيلمع، وبيشد الجمهور بحركاته ويحبوا يشوفوا ردود فعله،
هو "زلاتان"، "زلاتان" كان البطل الأول للإعلان، ومعاه "رونالدو".
وقتها، كان Underdog.
لكن النهاردة، لو هنعمل مقارنة بين الاتنين دُول،
In terms بقى الكورة، البطولات، الأهداف، كل الحاجات دي،
هنجد إن المقارنة محسومة لـ"كريستيانو".
كمان، في الجانب الإعلاني والدعائي وسعره و"كاريزمته"،
اللي كان "كريستيانو" متأخر فيها،
النهاردة، يقدر يسبق "زلاتان" بسهولة.
"كريستيانو"، مش بس مع الوقت، بقى بطل إعلانات كبير،
هو شخصيًا تحوّل إلى Brand.
شركات كتير تتمنى تسوّق نفسها من خلاله،
حتى لو بصورة واحدة على حسابه على "إنستجرام"،
وكمان، تدفعله قُصادها 1.6 مليون دولار، في "بوست" واحد.
في الحقيقة، علاقة "رونالدو" بالتسويق بدأت من زمان،
خلّينا نرجع لصيف 2002،
لمّا كان "كريستيانو" لسة صغنون، 17 سنة،
واتصعّد للفريق الأول "سبورتنج لشبونة".
هنا، تقرر أسرته تعمل واحد من أهم القرارات في حياتها،
وهو التوقيع مع وكيل لاعيبة اسمه "خورخي مينديش".
خلّيني أقولّك، يا عزيزي، إن "مينديش" وقتها، ما كانش "مينديش" بتاع دلوقتي،
ما كانش أهم وكيل لاعبين في العالم،
ولا حتى أهم وكيل في بلدهم.
كان لسة شاب صغير بيجرب حظه في كذا شغلانة،
بياع هدوم شوية، ينزل يشتغل مع "الأفريقي"،
بعدها، فتحله Beach Bar محندق كدا،
ابتدا يبقى DJ زي "مولوتوف" و"ليل بابا"،
لحد ما عجبته قصة وكالة اللاعبين دي،
وأسس شركته Gestifute.
أولى نجاحاته الكبيرة كانت لمّا ساعد في انتقال اللاعب "هوجو فيانا" لـ"نيو كاسيل"،
حيث الـPremier League، أقوى دوريات العالم.
ويمكن هو دا السبب اللي خلّى أسرة "كريستيانو" تثق فيه،
وهو إنه بياع شاطر.
بعد كام شهر، "كريستيانو" قابل شخص تاني،
شاب ما كمّلش 24 سنة، اسمه "ريكاردو ريجوفي".
Subtítulos completos disponibles en el reproductor
Practica con ejercicios
Genera ejercicios de vocabulario, gramática y comprensión de este video
Comentarios (0)
Inicia Sesión para ComentarRegístrate para desbloquear todas las funciones
Sigue tu progreso, guarda vocabulario y practica con ejercicios
Modo interactivo
Cuestionario
Respuesta correcta:
Vídeos relacionados
New Media Academy Life
Cuestionario
Respuesta correcta:
Los quizzes aparecen mientras ves el video
Truco para recordar
De este video
Aprende idiomas gratis
