The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
Unlock AI-Powered Learning Tools
Sign up to access powerful tools that help you learn faster from every video.
نحو نحوٍ افضل | الدحيح
Learning Stats
CEFR Level
Difficulty
Subtitles (552 segments)
ألف مبروك، وصلتم معانا لآخر "إنترفيو" في الشركة،
اللي هيحدد مين فيكم هيتقبل ويشتغل معانا.
- جاهزين؟ - جاهزين يا فندم.
معلش يا فندم، جاهزين لإيه؟!
السؤال الأول بيقول،
في أغنية "ويجز"، "21 ولساني 60
ولساني سكين وانساني لو تقدر بنعجّز ونشيب"
اعرب كلمة "سكين".
"سكين" خبر المبتدأ مرفوع، وعلامة رفعه الضمة.
!Bravo
Bravo إيه، حضرتك؟! إيه علاقة الإعراب بالـ"إنترفيو"؟!
احنا مهندسين كمبيوتر، مش مدرّسين عربي!
باشمهندس "عمر"، انت قبل هندسة، درست إيه في الـSchool بتاعتك؟!
استنى يا باشمهندس "سامح"، هو كبير كفاية يرد لوحده. يلّا، ها؟!
إيه يا جماعة الهزار دا؟! يعني إيه "درست إيه في الـSchool؟"؟!
اتفضل جاوب!
أنا عارف، أنا عارف.
"سمّوحة"، عيب بقى!
خلاص، عرفنا إنك شطّور، سيب الباشمهندس يجاوب.
اتفضل يا باشمهندس "عمر"!
درست Maths وPhysics وعربي!
عربي، لغة عربية.
يعني بلاغة، تعبير، نحو.
فإيه بقى؟! هتسأليني في النحو فعلًا؟!
أسألك في أي حاجة درستها يا باشمهندس!
أي مادة تعجبني، حتى لو كانت تدبير منزلي!
أنا ممكن أقوّمك دلوقتي تكتبلي مقادير الكيكة!
4 بيضات، "بيكينج باودر"، دقيق، زبدة، و...
لأ، دي الإسفنجية يا "سامح"، دي مش الـ"مولتن"!
هو إيه التهريج دا؟!
يا فندم، إيه علاقة النحو بالـ"إنترفيو"؟!
احنا كنا بنهزر زمان على القصة دي!
ما عشان تبقوا تهزروا كويس!
السؤال التاني بيقول،
ما هي حروف النصب في اللغة العربية؟
والله العظيم ما فيه نصب أكتر من اللي بيحصل دا!
إن، لم، كي، حتى، لام التعليل، لام الجحود، وإذا.
لأ، دا ممتاز! عظيم!
ادّوله بقى Full Mark، وعلّقيله نجمة على قورته!
طيب! انتم شركة نصابة، عديمة الخبرة ودون المستوى!
وأنا غلطان إني قدّمت هنا!
بتقول إيه يا أستاذ انت؟!
"سمّوحة"، اعرب "دون المستوى".
"سمّوحة"، ما تعربش حاجة!
"دون" ظرف مضاف وهو منصوب، "مستوى" مضاف إليه مجرور.
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
في "بغداد"، عاصمة الخلافة الإسلامية،
وفي أواخر القرن الثاني الهجري، تحديدًا، في عهد "هارون الرشيد"،
وفي بيت وزيره "خالد بن يحيى البرمكي"،
بيتجمّع حشود من الناس عشان يتابعوا مباراة مصيرية على اللقب
بين أكبر عقليتين في علم النحو،
"سيبويه"، إمام نُحاة "البصرة"،
و"الكسائي"، إمام نُحاة "الكوفة".
خلّيني أقولّك، يا عزيزي، إن شغف العرب بالمناظرات اللغوية
ما كانش يقل عن شغفنا الحالي بكورة القدم،
دا كان "كلاسيكو".
جمهور المناظرة ما كانش بس نخبة "بغداد" المثقفة،
لأ، دا كان أيضًا فيه عوام.
المناظرة دي ما كانتش بين راجلين،
وإنما بين بلدين، المنافسة امتدت بينهم فترة طويلة،
وما خليتش من العداوة ولا الأحقاد السياسية.
نتيجة المسابقة دي هتحدد مين الأحق بإمامة النحو،
وبالتالي، البلد الأحق إنها تكون منارة العلم في الدولة الإسلامية.
عشان نفهم ليه مباراة النحو دي بهذه الأهمية،
خلّينا نرجع قرن لورا، ونسأل السؤال المهم،
كيف بدأ النحو؟
بدأ كل شيء بـ"ظالم بن عمرو بن سفيان بن جندل".
"دا إيه دا يا (أبو حميد)؟! مين دا؟!"
يا عزيزي! انت ما تعرفهوش؟!
دا، يا عزيزي، "أبو الأسوَد الدؤلي"،
"آه!"
"معلش يا (أبو حميد)، مين (أبو أسوَد الدُقّي) دا؟!"
يا عزيزي، "أبو الأسوَد الدؤلي" هو الراجل اللي بيُنسَبله وضع أساس النحو.
من قبل الإسلام، ولبعد سنوات طويلة من الفتح الإسلامي،
ما كانش فيه حاجة اسمها نحو.
لأن، ببساطة شديدة، العرب ما كانوش محتاجينه أصلًا،
اللغة العربية بتطلع من لسانهم سليمة بالفطرة،
حتى مع اختلاف لهجات القبائل،
تقولّي، "العرب كان موتهم وسمّهم إيه؟"
أقولّك، "اللحن"، أي "الخطأ في اللغة."
أقل هفوة، بيجرّسوا صاحبها عليها.
اللغة كانت بالنسبة للعرب المعجزة اللي نزل بيها القرآن الكريم،
قبلها، اشتهرت أسواق، زي سوق "عُكاظ" بالمهرجانات الأدبية،
قبائل بتتنافس في إلقاء الشِّعر،
العرب كمان علّقوا أفضل أشعارهم على أستار الكعبة، وسمّوها "المُعلَّقات"،
لأنها على حسب وصف كتاب "جمهرة أشعار العرب"،
لـ"محمد بن الخطاب القرشي"،
"فإنها مثل العقود النفيسة تعلق بالأذهان".
أشهرهم مُعلَّقة "امرؤ القيس" و"عمرو بن كلثوم".
ولكن مع وصول العرب لـ"فارس" و"العراق"،
وشرق "الهند" و"الصين" وشمال "سيبيريا"، و"الأندلس" وجُزُر "المتوسط"،
نشأ اختلاط مستمر في البيوت والمساجد والأسواق والأماكن العامة،
بين العرب والأجانب،
ابتدت اللغة العربية بتاعتنا دي تبقى مُهدَّدة،
بقى فيه جنسيات مختلفة، ما بتتكلمش عربي كويس،
بيحاولوا يتكلموا عربي، وبالتالي، ممكن يبوّظوا اللغة.
كان ممكن تلاقي طفل، أبوه بيكلمه عربي، وأمه بتكلمه فارسي،
دا مش طفل! دا كادو الخلّاط!
قبل كدا، قبائل العرب كانت مقفولة على بعض،
ولكن مع هذا الاندماج بين العرب واللي بيحاولوا يتعلموا اللغة العربية،
بحُكم كونها لغة الدين ولغة الدولة،
بدأ اللحن في اللغة ينتشر،
للدرجة اللي خلّت "الأصمعي" يعِدّ اللي ما بيلحّنوش في اللغة،
اللي هما ما بيغلطوش يعني، في عبارته الشهيرة،
مين هما؟ قال أساميهم.
و"الحجّاج" أفصح واحد فيهم.
الخلفاء بقوا يبعتوا أولادهم فترة في البادية، في الصحرا يعني،
مع العرب الأقحاح، اللي هما العرب اللي جايبينها من تحت دُول،
عشان يعالجوا اللحن، أو تاني، الغلط اللي عند العيال.
الخليفة الأموي، "الوليد بن عبد الملك" بذات نفسه،
Full subtitles available in the video player
Practice with Exercises
Generate vocabulary, grammar, and comprehension exercises from this video
Comments (0)
Login to CommentSign up to unlock full features
Track progress, save vocabulary, and practice exercises
Interactive Mode
Quiz
Correct answer:
Related Videos
مسلسل الاسطورة - ناصر يحرج زوج تمارا ويخرجهم من السجن - محمد رمضان
جمال سليمان ( ابو عليا يضب أغراضه)- مسلسل العراب نادي الشرق
How to be BIM SPECIALIST !!! | كيف تصبح محترف بيم ؟ الريفيت وحده لا يكفي
خلاصة الحكمة: د. هيفاء يونس، إحسان، عزة، ووداد يشرحن أسرار حسن الظن بالله
الدرس الحادي عشر: لغات البرمجة - الجزء الاول
New Media Academy Life
Quiz
Correct answer:
Quizzes appear as you watch the video
Memory Tip
From this video
Start learning languages for free
