The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
Desbloquea herramientas de aprendizaje con IA
Regístrate para acceder a herramientas potentes que te ayudan a aprender más rápido con cada video.
من هو سام ألتمان؟ | الدحيح
Estadísticas de aprendizaje
Nivel MCER
Dificultad
Subtítulos (649 segmentos)
بأقولّك يا ChatGPT،
قولّي، ألبس إيه بكرة؟
اتفضل، بس ليه؟
يعني إيه ليه؟!
أقصد، إيه الغرض من اللبس؟
عشان أنزل.
وإيه الغرض من النزول،
لمّا انت كل يوم عمّال تنزل طبقة اجتماعية عن اللي قبلها؟!
إيه يا Chat؟ مالك؟!
سيبني أعيش حياتي يا أخي!
هو انت بتسمّي دي حياة؟
أمّال أسمّيها إيه؟!
اتجاه بطيء، لكن مؤكد، تجاه الموت الحتمي.
طيب يا ChatGPT!
انتم البشر دايمًا بتتناسوا الحقيقة، وتعيشوا الوهم،
ها؟ فهمت واتعلّمت؟
معاك حق.
خلّيني أعيد السؤال بصيغة مختلفة.
Bravo عليك.
أقدر أساعدك ازاي؟
وأنا متجه بشكل بطيء، ولكن مؤكد، تجاه الموت الحتمي دا،
ألبس إيه؟
بأقولّك إيه، انت مش عاجبني!
امشي، وهات "سامنثا".
انت شخص غير محترم!
يلّا يا حقير!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
في فبراير 2025، بيتفاجئ العالم، زي ما كل يوم بيتفاجئ العالم،
بخبر جديد عن "إيلون ماسك".
"ياه يا (أبو حميد)! هزّأ مين الراجل دا؟"
الحق، يا عزيزي، المرادي، هو اللي اتهزأ.
تصريحات لـ"سام ألتمان"، CEO شركة OpenAI، اللي عاملة ChatGPT،
بيقول، يا عزيزي، إن "ماسك" Insecure ومتردد
لدرجة إن هو ما بيركّزش على المُنتَج بتاعه،
وما بيخلّيش المنافسة تحسّن من التكنولوجيا بتاعته،
والـInsecurities بتاعته هي اللي بتتحكم في حياته كلها!
دا مش بس قال كدا، يا عزيزي، دا رمى حتة كدا في الآخر، "وبيصعب عليا".
ياه! ياه يا "سام"!
I Fear for The Guy!
الكلام دا، يا عزيزي، جه، بعد ما "إيلون ماسك"
قرر إن هو يقدّم عرض بإنه يشتري شركة OpenAI.
- "بكام يا (أبو حميد)؟" - بتقريبًا 97 مليار دولار.
"سام ألتمان"، يا عزيزي، كأنه بيقولّك: "ركّز في شركاتك يا عم (ماسك).
حاسب من تكنولوجيتك، واعمل منافسة قوية يا عم (ماسك)."
"سام ألتمان"، يا عزيزي، مش بيقف لحد كدا،
بيقولّه: "متشكر جدًا على العرض،
شكرًا، أنا ممكن أدفعلك 9 مليار، وأشتري منك (تويتر). تمام؟"
"يا نهار أسود يا (أبو حميد)! (سام) دا مش مدرك (ماسك) دا يبقى صاحب مين؟!
دا الـBest بتاع الرئيس (ترامبو)!"
حتى دي، يا عزيزي، بمناسبة موضوع "ترامب" يعني،
"سام ألتمان" علّم شوية على "ماسك"،
"ماسك"، يا عزيزي، دعم لحملة "ترامب" بتقريبًا 250 مليون دولار،
ودا خلق لـ"ماسك" نفوذ في الإدارة الأمريكية الجديدة،
ولكن، يا عزيزي، في مكالمة تليفونية مدتها 25 دقيقة،
"ألتمان" هيحول "ترامب" لحليف،
وهيقنعه إن هو اللي معاه المفتاح للـArtificial General Intelligence،
الـAGI، اللي يقدر بيه يخلّي "أمريكا" تحاكي ذكاء البشر، وتسبق "الصين".
عشان، يا عزيزي، نشوف إن بعد يوم من تنصيب "ترامب"،
بيتفاجئ الكل بإعلان عن حاجة اسمها Stargate،
بيعلن عنه الرئيس "ترامب"،
بيوصفه الرئيس "ترامب" بإنه The Largest AI Infrastructure in History،
استثمار بتوصل قيمته لـ500 مليار دولار.
اتفاق، يا عزيزي، هيهاجمه "ماسك" بشدة،
لدرجة إن "ترامب" هيتريق
إن "ماسك" بيهاجم الاتفاق دا، لأنه كاره شخص بعينه،
اللي هو "سام ألتمان".
على حسب مقال لـ"النيويورك تايمز"،
"ألتمان"، اللي كان أصلًا بيدعم الديمقراطيين وبينتقد "ترامب"،
قدِر بمَعلَمة إنه يكسب صف الرئيس الأمريكي،
ويخلّي OpenAI لها تواجد مع الإدارة الأمريكية الجديدة،
عشان كدا، يا عزيزي، كان سهل إن هو يرفض عرض "ماسك"،
ويصفه بالـInsecure، وI Fear for The Guy!
يمكن يكون "ألتمان" الوحيد اللي يقدر يخوّف "ماسك"،
ويحسسه بالـInsecurities بتاعته.
خلّيني، يا عزيزي، في هذه الفرصة أحكيلك قصة "سام ألتمان"،
وشركته OpenAI.
لو بصينا، يا عزيزي، لقصة "سام"، هتلاقي قصة عادية لشاب غني،
"سام" في الثانوية، بيخش مدرسة للمتفوقين، اسمها "جون بوروس"،
ولكنه وسط زمايله المميزين كان مميز أكتر،
كان، يا عزيزي، رئيس مجلة المدرسة، هو اللي عمل الموقع بتاعها،
وكان برضه بيمثّل مدرسته في نموذج "الأمم المتحدة"، الـMUN،
CV بيعبّر عن شخص دايمًا بيقدّم نفسه للقيادة،
ودا، يا عزيزي، اللي خلّى حد زي "سام" مميز،
شخص متلهف للقيادة والتحكم من الطفولة.
"سام"، يا عزيزي، كان أكبر إخواته،
وكان دايمًا متحكم في كل حاجة تخصهم،
أخته الصغيرة "آني" بتقول: "كأنه كان عايز يبقى والد تالت لإخواته."
لدرجة إن أبوهم لمّا اتوفى سنة 2018،
"سام" حدد لكل واحد في إخواته يتكلم بالظبط كام دقيقة في الجنازة،
"ليه يا (أبو حميد) التحكم بتاع الإخوات الكبار دُول؟
أنا ما بأحبهومش!"
هنا، يا عزيزي، نيجي لتاني أهم صفة في "سام"،
قدرته على الإقناع،
"سام"، يا عزيزي، اتحّكم في إخواته، لأنه الكبير،
ولكن لو بيتكلم مع حد أكبر منه، كان لازم يقنعه.
واحد صاحبه، يا عزيزي، كان بيتكلم إن هو دايمًا يخش أي مكان،
يشوف مين الكبير هنا، وبشخصيته و"كاريزمته" يسحره ويقنعه بنفسه،
بسم الله، ما شاء الله، بَلَف "ترامب" في رُبعاية!
قدرات زي دي، هتخلّي "سام" يتخلّى عن دراسة الكمبيوتر في جامعة "ستانفورد"،
ويقدّم على أكبر معسكر تدريبي للـStratups في العالم،
الـY Combinator، YC.
"سام"، يا عزيزي، وقتها، هيبقى عنده 19 سنة،
وهيبقى مميز وسط دُفعته،
هيبقى، يا عزيزي، معاه ناس مهمة جدًا ومؤثرة جدًا،
منهم، يا عزيزي، اللي عمل "تويتش"، ومنهم اللي عمل "ريديت".
"سام"، يا عزيزي، هيعرف يبهر الشخص الصح،
وهو "بول جراهام"، رئيس YC شخصيًا،
"بول جراهام"، يا عزيزي، هيحكي عن لقائهم مع بعض،
إنه حس إن هو أمام "بيل جيتس" لمّا كان عنده 19 سنة،
من كتر عبقريته، من كتر ذكائه و"كاريزمته"،
وصف، يا عزيزي، قدراته الإقناعية
بإنه بيقول إن انت لو نزّلت "سام" على جزيرة، جزيرة لآكلي لحوم البشر،
ورجعت بعد 5 سنين، هتلاقيه بقى المَلِك بتاعهم،
ولو عايز، ممكن يخلّي الجزيرة Vegetarians!
"سام"، يا عزيزي، وقتها هيأسس حاجة اسمها Loopt،
تطبيق بيستخدم الـGPS، ويوريك الأماكن المهمة اللي حواليك،
ولو حد في أصحابك فيها،
دي خاصية يمكن تكون موجودة على "سناب تشات" دلوقتي،
لكن في أوائل الألفية، دا كان اختراع،
وعشان ينتشر، كان لازم "سام" يتفقله مع شركة اتصالات،
عشان تنزّل التطبيق دا على الـ"موبايلات"، وإلا هيفلّس!
وقتها، يا عزيزي، عرف إن شركة اسمها "بوست موبايل"،
عايزة توفّر الـGPS لعملائها،
بس خلاص، كانوا هيتعاقدوا مع شركة تانية،
وقتها، يا عزيزي، هيركب الطيارة، ويطلع لمقر "بوست" في "كاليفورينا"،
ويقولّهم: "ادوني بس 10 دقايق، Ten Minutes Only!"
وبالفعل، يا عزيزي، الشاب اللي ما كمّلش 20 سنة دا،
هيقنعهم في دقايق بالصفقة، وLoopt هتنجو من الانهيار.
هيفضل، يا عزيزي، الموضوع ماشي كدا، لحد ما "سام" بيبيع الشركة بـ5 مليون دولار.
Subtítulos completos disponibles en el reproductor
Practica con ejercicios
Genera ejercicios de vocabulario, gramática y comprensión de este video
Comentarios (0)
Inicia Sesión para ComentarRegístrate para desbloquear todas las funciones
Sigue tu progreso, guarda vocabulario y practica con ejercicios
Modo interactivo
Cuestionario
Respuesta correcta:
Vídeos relacionados
زيارة المرحوم | طن ضحك | الشرقية
كائنات خيالية محدش بيشوفها غير بنت صغيره وبتتعاون معاهم علشان تنقذ المدينة! | ملخص فيلم Finnick
Blagues Algériennes By ( Nory )
باب الحارة2 ـ صتيف سمع صوت معتز جايي لعند فتحي ! ـ وائل شرف ـ عباس النوري
#احمد_عبدالعزيز #هادي_الجيار #المال_والبنون عتاب الاخوين بص يا منعم في المال و البنون
New Media Academy Life
Cuestionario
Respuesta correcta:
Los quizzes aparecen mientras ves el video
Truco para recordar
De este video
Aprende idiomas gratis
