The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
Débloquez les outils d'apprentissage IA
Inscrivez-vous pour accéder à des outils puissants qui vous aident à apprendre plus vite avec chaque vidéo.
البوذا | الدحيح
Statistiques d apprentissage
Niveau CECRL
Difficulté
Sous-titres (384 segments)
إيه اللي أنا بعمله دا؟!
الواد دا اتأخر كدا ليه؟!
إيه يا عم، خضّتني!
انت كل دا واقف هنا، وأنا قاعد مستنيك؟!
يا أخي، دا أنا من كتر الملل، قتلت دبّانة!
قصدك، قتلت كائن بريء.
فيه إيه يا مِعلِّم؟ دي دبّانة!
بس لو كانت فراشة جميلة، كان زمانك سيبتها عايشة،
بس لأنها جميلة.
أيوة، صح.
شوف...
رغم إن الحشرتين كائنات ما لهومش دعوة بخلقتهم،
دا بيعكس إن الإنسان طبقي وعنصري بالفطرة.
فيه إيه يا عم "شكسبير"؟!
اقعد، طمنّي عنّك الأول، قولّي عامل إيه!
عامل مبسوط وسط عالم مزدحم... بالنفاق والأكاذيب وانعدام الرحمة،
عالم منتشر فيه الضغينة... عالم منتشر فيه الأكاذيب!
فيه إيه يا أسطى؟ عايز إيه؟!
- عايز أعرف الحقيقة. - حقيقة إيه؟!
حقيقة الكون.
نلعب بس الـGame دا، وأوعدك، هنروح نكتشف حقيقة الكون مع بعض.
اقعد.
تمام.
آدي ورقة. بقولّك إيه، معاك قلم نسجّل الـScore؟
قلم؟!
- قلم واحد بس؟ - آه.
بُص حواليك كدا.
فين يا أسطى؟ ما فيش قلم!
لو بسيط حواليك، هتلاقي إن العالم كله آلام،
مش "ألم" واحد بس!
فقر وجهل ومرض وتعب وظُلم.
بتعمل إيه؟
هورّيك الآلام!
مش قُلتلك العالم كله آلام؟!
مش قُلتلك؟!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
في مدينة صغيرة، بتطُل على جبال الـ"هيمالايا"،
في قصر المَلِك "سودودانا"، الملكة "مايا" كانت نايمة في سابع نومة،
في ليلة زي أي ليلة عدّت على القصر والمَلِك والمدينة،
الليلة دي، الملكة حلمت حلم، مش زي حلم، حلمت بفيل أبيض صغير،
الفيل الصغير دا، فضل يقرب منها، يقرب منها، يقرب منها،
لحد ما دخل جوا جسمها عن طريق جنبها، وبعد كدا، صحيت.
لو أي حد تاني حلم الحلم دا، كان ممكن يتجاهلوه عادي،
بس كون إن الملكة هي اللي حلمته، كان لازم ندوّر على تفسير.
خُد بالك إن الكلام دا كان في القرن الخامس قبل الميلاد،
الناس وقتها كانت فاضية،
فحلم الملكة دا، Material يملا معانا أسبوعين على الأقل!
لمّا سألت الملكة عن تفسير الحلم دا،
لقت إن معناه إنها هتكون حامل قريب،
والطفل اللي هتولده هيكون ولد.
مش دي الحاجة المهمة،
الحاجة المهمة، إما إن الراجل دا هيكون إمبراطور عظيم،
يا إما مُعلِّم ديني ما جاش زيه.
الملك والملكة سمعوا الكلام دا، زقططوا
بالإمبراطور الصغير العظيم اللي هيشيل اسم العيلة
وهيكمّل، إن شاء الله، مسيرتهم الملكية.
بعدها بـ9 شهور، هييجي اليوم اللي يتولد فيه الإمبراطور الصغير،
ولكن هنا، تحصل حاجة خارقة للطبيعة،
الطفل الرضيع اللي لسة مولود دا، بيقوم وبيمشي 7 خطوات،
بعدها، بيتكلم وبيقول إن دي آخر مرة هيتولد فيها.
"الله! ثانية واحدة! انت اتولدت قبل كدا؟!"
الـBaby ما كانش بيرد على حد،
ودا السبب اللي اتسمّى عشانه "سيداهارتا جوتاما"،
"سيداهارتا" عاش طول حياته بين حيطان القصور بتاعت أبوه،
حياة سهلة، كل اللي كان عايزه كان بيجيله،
كل حاجة كان بيحتاجها، كانت بتبقى عنده، قبل حتى ما يفكر فيها.
بس دا ما كانش بمزاجه أوي،
أبوه، وهو شايف ابنه بيكبر قُدّامه،
كان دايمًا شايف قُدّامه حاجة واحدة، الحلم اللي مراته حلمته.
وإن ابنه يا إما هيكون إمبراطور، يا إما هيكون مُعلِّم ديني.
الأب كان نفسه إن ابنه يطلع إمبراطور،
فكان بيحاول على أد ما يقدر يقلِّل عدد مرات خروجه من القصر،
حتى "سيداهارتا" لمّا كان يخرج للشارع بالحنطور الملكي،
كان أبوه بيؤمر إن الشوارع اللي يمشي فيها تبقى مليانة ناس مبتسمة وسعيدة،
وأي حد تعبان وفقير يستخبى،
"مش عايزين ننكّد على الواد!"
Sous-titres complets disponibles dans le lecteur vidéo
Entraînez-vous avec des exercices
Générez des exercices de vocabulaire, grammaire et compréhension à partir de cette vidéo
Commentaires (0)
Connectez-vous pour CommenterInscris-toi pour débloquer toutes les fonctionnalités
Suis ta progression, sauvegarde du vocabulaire et entraîne-toi
Mode interactif
Quiz
Rponse correcte :
Quiz
Rponse correcte :
Les quiz apparaissent pendant que tu regardes la vidéo
Astuce mémo
Dans cette vidéo
Apprendre les langues gratuitement
