The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
العشاء الأخير | الدحيح
학습 통계
CEFR 레벨
난이도
자막 (680 세그먼트)
سنيور "ليوناردو"،
أنا عندي مشاكل في القَطَنية، هه!
مش قُلتلك، ما تحركش بُقّك؟
يا حبيبي، بأرسم شفايفك!
يا نهار أسود! انت لسة عند شفايفي؟!
دا على بال ما توصل لسُرّتي، هأكون أدّك في السن!
بأقولّك إيه، ما بأحبش الحركة والرغي الكتير،
ما تقطعش حبل أفكاري.
يعني، أنا بعد إذنك بس، كنت طالع "الساحل" أنا وأصدقائي،
فلو نقدر ننجز شوية، أكون مُمتن.
إيه "عايز أنجز" دي؟!
هو أنا بأرسمك 6x4 خلفية بيضا؟!
أنا بأعمل فن يمتد لمئات السنين.
وأنا العمر لحظة، والرب واحد، والضهر واحد!
يا حيوان! "ألفريدو"!
انت خلاص جبت آخرك معايا!
انت جاهل، ومش فاهم فن، واسمك على اسم Pasta!
طب تصدّق إن انت فنان كَسْر،
وما لكش أي رسمة ليها لازمة غير الـ"موناليزا"!
بذمتك انت عاملت "مونا"، زي ما بتعاملني كدا؟!
ولّا عشان أنا راجل والقعدة ناشفة؟!
بتقارن نفسك بمين يا ولد؟!
دي ست راقية، لكن انت بتاع فطير.
بتعايرني؟!
طب إيه رأيك إن أنا ماشي! ورجّعلي بقى العربون.
وخُد أهي!
إيه دا؟! هو كلام عيال ولّا إيه؟!
لأ طبعًا، لازم أرسمك.
لازم أعمل معاك حاجة!
بُص بقى، هي خلاص كلبشت في دماغي،
وهأترسم وأنا مرتاح.
أستغفر الله العظيم يا رب، طب إيه يا أخويا اللي هيريحك؟!
بأقولّك إيه، خلاص، أنا مش هأترسم، أنا ماليش مزاج.
أنا هأروّح أتعشى مع أهلي،
عشان ألحقهم قبل ما أسافر، أسلّم عليهم.
خلاص، خلاص، هأرسمك في العَشا.
الله! هي عربخانة؟!
هتخش ترسمنا واحنا بنتعشى؟!
سلام يا عم انت والـ"فازة" بتاعتك!
اتفضل امشي!
أنا عبقري! عبقري!
أرسم اللي أنا عايزه.
يا عم، هأغور، حاضر، براحتك، ارسم الـ"موبيليا" اللي في المكان!
انت مجنون يا ابني؟!
طب إيه رأيك، هأرسم الـ"فازة" دي، وهي اللي هتقعد آلاف السنين.
Ciao يا ابن المجنونة!
أستاذ "ألفريدو"، لو سمحت، خلّيك مكانك!
يا أستاذ "ألفريدو"!
يا أستاذ، والنبي! طب نتفاهم بس، نتكلم!
انت زعلان من إيه؟!
طب والله، أنا على فكرة هآجي معاك، ومش هأتعشى!
والله، أنا عامل Diet.
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
عزيزي المشاهد الجميل، هذه الحلقة هي حلقة فنية،
فنية فقط، هه! عشان بس ما تنجرفش وراء الحاجات.
سنة 1943، في أواخر الحرب العالمية التانية،
شن الحلفاء سلسلة من القصف الجوي العنيف
على مدن "إيطاليا"، عشان يجبروها على الاستسلام،
بعد سقوط "موسوليني".
خلال قصف مدينة "ميلان"، اتدمرت مباني تاريخية جُوّاها،
زي قصر "مارينو" وقلعة "سفورزا"،
لكن أكتر لحظة مرعبة مرّت بيها المدينة،
لمّا اتعرّض دير "سانتا ماريا ديلي جراتسي" لإصابة جزئية من القصف.
"يعني القلاع والقصور اتدمرت يا (أبو حميد)، هتيجي على الدير يعني؟!"
الحقيقة، الدير ما اتدمرش تمامًا،
دي كانت مجرد إصابة طفيفة في المبنى.
خلّيني أقولّك إن الدير دا ما كانش دير عادي،
ولكن كان جواه واحدة من أعظم لوحات عصر النهضة،
واللي البعض بيعتبرها واحدة من أعظم اللوحات في تاريخ الإنسانية،
لوحة "العشاء الأخير" للفنان الفلورنسي "ليوناردو دافنشي".
"(أبو حميد)، معلش يعني،
بس هو ليه سايب لوحته في دير؟
ليه مش حاططها في متحف؟ أو حتى في قصر واحد؟!"
عشان أجاوبك على هذا السؤال، محتاجين نرجع خطوات كتير لورا،
ونبدأ الحكاية من الأول.
حكايتنا بتبدأ بدوق "ميلانو"، "لودوفيكو سفورزا"،
اللي بعت تكليف لـ"دافنشي" سنة 1495،
عشان يرسم لوحة في دير "سانتا ماريا"،
الراجل دا كان بيعمل مدفن لأسرته في الدير.
"دافنشي" كان فنان مشهور في "فلورنسا"،
اللي كانت وقتها عاصمة الفنون في "أوروبا"،
عنده المرسم بتاعه والتلاميذ بتوعه، وله وضعه في المجتمع.
لكن أول ما تجيله الدعوة دي، هيطير،
ودا لأن عاصمة الفنون وقتها كانت في أسوأ حال!
سنة 1478، هيتعرّض "لورينزو دي ميتشي" حاكم "فلورنسا" لمحاولة انقلاب فاشلة،
هينجو منها، ولكن أخوه هيتقتل فيها،
وبالتالي، هيرُد بحملات إعدام علني لكل أعضاء المؤامرة،
اللي كان منهم مين؟ رئيس الأساقفة "سالفياتي".
رد الفعل العنيف دا هيعمل مشاكل مرعبة مع الكنيسة،
هتوصل لدرجة إن البابا "سيكتوس الرابع" مش "هيُسكتس" على الكلام دا،
هيحُط "فلورنسا" تحت الحظر الكنسي،
ببساطة، ما فيش طفل فلورنسي هيتولد ويتعمّد،
ما فيش مراسم دفن ولا جواز،
ما فيش عيد سعف، ما فيش مواكب،
ما فيش احتفالات، لحد ما "نور" تحب "حاتم ابن نعيمة"!
"هي فوضى"، "يوسف شاهين"، 2007.
"فلورنسا" هيتعملّها "بلوك"!
مدينة كاملة هتخرج من المِلّة في نظر المجتمع المسيحي في الوقت دا.
"طب يا (أبو حميد)، ما (دافنشي) دا راجل فنان،
لا هو رجُل دين، ولا هو رجُل سياسة!
ماله هو بكل دا أساسًا؟!"
على حسب كلام الكاتب "كوري كلاوس"،
الكنيسة في عصر النهضة كانت...
الكنيسة كانت أكبر Client في عالم الفن،
ودا لأن من بداية ظهور المسيحية،
فالرسوم والأيقونات كانت طريقة للتعريف بالدين،
عشان كدا، معظم فنانين عصر النهضة شقّوا طريقهم في الفن
بإنهم يرسموا موضوعات دينية تحت سُلطة الكنيسة،
مشاهد شهيرة، زي ولادة "المسيح"،
تخيل بقى مدينة كاملة محظورة من الكنيسة!
الفنانين مش هيلاقوا ياكلوا.
عشان كدا، "دافنشي" هيسافر "ميلان" اللي مش محظورة،
وكمان، هيرسم لوحة في دير،
يبقى مين بقى اللي هيشرف على الرسمة دي؟ بالظبط، يا عزيزي، الكنيسة.
"حلو، طب الكنيسة بقى كانت طالبة منّه إيه يا (أبو حميد)؟"
دي حكاية طويلة تانية، خلّيني أحكيهالك.
"(أبو حميد)، انت كل شوية تفتحلي CTRL + N، CTRL + N، CTRL + N،
عايزين نلمّ."
عزيزي، احنا بنفرد الـ"كروت"، وبعدين نلمّها في آخر الحلقة.
"ليوناردو دافنشي" بيقف في غرفة طعام الرهبان،
في دير "سانتا ماريا"، قُدّام حيطة فاضية،
ومطلوب منه رسمة عن العشاء الأخير.
وعلى الحيطة المواجة ليها، لوحة مرسومة قبل كدا للفنان "جيوفاني ميليني"
بتصوّر مشهد صَلب "المسيح".
في الفترة دي، كان فيه تقليد إن هما يرسموا في غُرَف طعام الرهبان
حيطة عليها العشاء الأخير، والحيطة المقابلة ليها مشهد الصَلب.
متخيل يا عزيزي؟ كل ما الناس تتعشّى، يبقى فيه صورة "العشاء الأخير"، أحسن فال!
الحقيقة إن دُول حدثين مرتبطين جدًا ببعض في اللاهوت المسيحي،
"السيد المسيح" كان في نهاية رسالته،
ومطلوب قتله من اليهود اللي كانوا عايزين يخلصوا منه،
فبيجتمع للعَشا مع تلامذته، عَشاء هيكون الأخير،
ودا لأن واحد من التلامذة دُول هيخونه، وهيبلّغ اليهود بمكانه.
"طب يا (أبو حميد)، في وقت خطر زي دا، كان فيه مساحة إن هما يتعشوا؟"
دا كان طقس ديني،
"المسيح" وتلامذته كانوا بيتعشوا على حسب المراسم اليهودية،
전체 자막은 비디오 플레이어에서 이용 가능
댓글 (0)
로그인하여 댓글 달기인터랙티브 모드
퀴즈
정답:
관련 영상
المرشد الإيراني: المقاومة في المنطقة لن تتراجع باستشهاد قادتها ورجالها والنصر سيكون حليفها
A Thousand Years - Christina Perri مترجمة عربي
1AM - التاء المفتوحة والمربوطة - السنة الأولى متوسط
اجمل مشاهد عادل امام وبهاء في التجربة الدنيماركية
حدوتة الفيل فلفول | حواديت قبل النوم للأطفال
New Media Academy Life
퀴즈
정답:
영상을 보면서 퀴즈가 나타납니다
암기 팁
이 영상에서
무료로 언어 학습
