The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
Unlock AI-Powered Learning Tools
Sign up to access powerful tools that help you learn faster from every video.
مايحدث في المشرحة | الدحيح
Learning Stats
CEFR Level
Difficulty
Subtitles (570 segments)
ولا يا "طَرْش"!
انت بتعمل إيه يا لا يا "طَرْش"؟!
بأفتح الخزنة يا "طَفْش"، مالك؟!
الله! هو انت مقابلني في مُنتجَع البيت؟!
ما حرامي وبأسرق!
هتخش كدا وإيدك فاضية؟!
معلش، ما كانش عندي وقت أجيب حلويات!
المرة الجاية، هأعمل حسابي! سيبني أشوف شُغلي!
خُد الجوانتي دا...
عشان البصمات.
ما ترمي عِدِل!
لو مسكوك ببصماتك، مش هتخرج حُسن سير واستظراف!
كدا تمام.
ثانية واحدة! انت مش حاطط حاجة على راسك ليه؟! انت عايز تضيّعنا؟!
ما تخافش يا أخويا، مش هأفتحها كلها،
هأواربها وأمد إيدي.
انت بتغير عليا يا "طَفْش"؟!
انت بتقول إيه يا لا انت؟! هه!
خُد، البس دي في دماغك!
يا أستاذ، لو شعرك كان مكشوف كدا،
ممكن شعراية تقع منك، يمسكها المحقق ويطلّع الـDNA بتاعك!
وساعتها، تقول، "والله ما (دي إن إيهي)"!
مع إن كلنا عارفين إنه "دي إن إيهك"!
ليه كدا يا "طَفْش"؟!
انت سرقت العيادة اللي انت شغّال فيها؟!
سرقت ولي نعمتك؟!
إخص عليك!
آه، ما أنا مش دكتور!
وبعدين، ما احنا في شقة خالك.
حاسس إني بقيت شغّال في دور "رقيق"!
خُد، البس دا كمان!
عشان ريحتك ما تلزقش في الخزنة،
فتعمل هَبو في وش الظابط!
ريحتي؟! هو أنا رنجة؟!
لأ، عشان مراتك ما تعرفش إنك كنت هنا!
يلّا، انجز!
على بال ما أكنس المكان.
خلاص؟! فيه حاجة تانية أعملها، قبل ما أفتح الخزنة المنكوبة دي؟!
آه.
عايزك بعد ما تخلّص عملية السطو بتاعك...
وتتأكد إنك شِلت كل البصمات...
تيجي تكشف عليا، عشان فيه نغزة بقالها أسبوع هنا واجعاني مجنناني،
مش قادر!
آلو!
بوليس النجدة؟
أنا عايز أبلّغ عنّي!
- يا غبي! بتكلمهم من تليفونك؟! - عن واحد مجنون... بيسرق خزنة.
- بلبس دكتور! - كدا هيعرفوا يوصلولك!
انقذوني من الراجل دا!
انقذوني من الراجل دا!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
هناك تنويه هام قبل بداية الحلقة،
الحلقة دي، يا عزيزي، فيها كلام عن الموت والقتل والانتحار،
بننصح المشاهدين الحسّاسين إن هما ما يتفرجوش عليها،
وأعزائنا صغار السن هما كمان ما يشوفوهاش!
هدّيكم مهلة تِلت ساعة، تقوّموا الأطفال الصغيرين من جنبكم!
قوّمتوهم خلاص؟! أشتم؟!
لأ، بأهزر، يا عزيزي، احنا برنامج محترم، حتى لو ما كانش فيه أطفال بيتفرّجوا علينا.
في رواية "كتاب القَدَر" للفيلسوف الفرنسي "فولتير"،
البطل "صادق" منعزل في بيت بسيط على ضفاف نهر "الفرات"،
وفي يوم، شاف رجالة الملكة بيدوّروا في الأدغال بقلق شديد،
وسألوه، "ما شُفتش كلب ضايع؟"
قالّهم، "تقصدوا كلبة؟"
قالوله، "آه، هي فعلًا كلبة! كلبة الملكة، (سبانييل)."
قالّهم، "هي بتعرج برِجلها الشِمال، وودانها طويلة شوية؟
الله! مش تباركولها؟! دي اتجوزت."
القائد قرّب منه، قالّه، "هي فين؟"
قالّه، "بصراحة، أنا أصلًا ما أعرفش إن الملكة عندها كلبة!"
تقريبًا، يا عزيزي، ما حدش عرف الـ"استافّة" دي كانت إيه، فسابوه ومشيوا،
وبعد أيام، يُفاجأ بالجنود تاني،
وهما بيدوّروا بنفس القلق في الغابة،
"خير يا شباب؟!" قالوله، "حصان الملك هرب، ما شُفتهوش؟"
قالّهم، "ارتفاعه بتاع متر ونُص كدا، وديله بتاع متر كدا، ولابس حدوة فضة؟"
قالوله، "آه." قالّهم، "ما أعرفش والله، ما شُفتهوش!"
الله! هنا، الجنود شكوا في إن "صادق" دا خبّى الكلبة والحصان.
فاتحبس واتفرضت عليه غرامة.
ولكنهم، بعد كام يوم، بيُفاجأوا بالكلبة والحصان موجودين في الغابة، عادي،
وبيطلبوا من "صادق" إنه يفسّر موقفه،
"ازاي عرفتهم من غير ما تكون انت اللي واخدهم؟!"
هنا، "صادق" بيرد، "أنا شُفت بين آثار أقدامها علامات
خلّيتني أتخيل إن ثديها المتلدي،
وعلى جوانب أقدامها الأمامية،
فيه آثار عرّفتني إن ودانها طويلة وبتجرّها.
آثار الأقدام كلها عاملة تجويف معيّن، ما عدا رِجل واحدة،
وبالتالي، عرفت إنها بتعرُج.
وبالنسبة للحصان، لقيت غبار الشجر واقع على بُعد حوالي متر،
فاستنتجت إن دا طول ديله اللي بينفّض بيه الغبار،
ورق الشجر اللي كان بينفضه، كان من شجر ارتفاعه متر ونُص،
فقدرت أتوقع ارتفاع الحصان،
ومن البصمات اللي سابتها حدوته استنتجت إنها من الفضة."
استنتاجات "صادق المبهرة، اللي تبان إنها حاجة من الخيال،
هي هي، بدون مبالغة، نفس اللي بيعمله المحققين الشرعيين،
عشان يقدروا يتخيلوا ويبنوا السيناريو اللي حصلت فيه الجريمة،
من شوية آثار وعلامات.
وفي هذه الحلقة، يا عزيزي،
سوف نستعرض بعض الأدوات اللي بتساعد المحققين في حل القضايا،
وبرضه، هنتعلم ازاي نقدر نخدعهم ونوصل للجريمة الكاملة.
خلّيني، يا عزيزي، أعرّفك، لو انت ما تعرفش يعني،
إننا عايشين في مجتمع، وفيه قواعد بيتم تنظيم المجتمع بيها،
وبالتالي، لمّا بنخالف هذه القواعد، بنعمل جريمة.
"بجد يا (أبو حميد)؟! أنا كنت فاكر إن احنا قاعدين في باب التلاجة!"
الجريمة عمرها عمر الإنسان بسبب الطبيعة البشرية،
الطبيعة، يا عزيزي، الجميلة بتاعتنا بيتم تشويهها،
بمشاعر زي الغضب أو الجشع أو الانتقام،
عشان المجتمع يحافظ على نظامه،
احتاج إن هو يحاسب اللي بيخالفوا قواعده،
بس يحاسبهم ازاي، وما حدش شافهم وهما بيرتكبوا الجريمة؟
طبعًا، يا عزيزي، اللي انت عارفه، إن أي مجرم بيسيب دليل وراه،
ولكن مش أي حد هيقدر يعرف إذا كان دا دليل ولّا لأ،
ولكن حتى أشطر المجرمين بيسيبوا وراهم أدلة،
الدليل دا بس محتاج متخصص يقدر يقراه.
المتخصص ما كانش دايمًا موجود،
فما كانش قُدّام القانون غير إنه يعمل استجواب.
Full subtitles available in the video player
Practice with Exercises
Generate vocabulary, grammar, and comprehension exercises from this video
Comments (0)
Login to CommentSign up to unlock full features
Track progress, save vocabulary, and practice exercises
Interactive Mode
Quiz
Correct answer:
Related Videos
دوماني يتكلم مع شركة اتصالات .......مضحك
تاريخ روما .. كيف كانت حضارتهم وما الذي جعلهم يختفون !
صندل تشابال .. صناعة باكستانية يدوية يستعملها الغني والفقير
الزهرة المتغطرسة + البطة القبيحة - قصص للأطفال - قصة قبل النوم للأطفال - رسوم متحركة
حسن نصر الله يتحدث عن لقائه بالأسد في دمشق
New Media Academy Life
Quiz
Correct answer:
Quizzes appear as you watch the video
Memory Tip
From this video
Start learning languages for free
