The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
أهم قاعدة في الاستثمار | الدحيح
학습 통계
CEFR 레벨
난이도
자막 (687 세그먼트)
"مستر (حسين)"، الشابّ "سعيد" وصل.
خلّيه يدخل فورًا.
انت متأكد يا "مستر (حسين)" من الولد دا؟
إلا متأكد!
اللي ما تعرفهوش عني يا "أنيس"، إني مش رجُل أعمال أو ملياردير تقليدي،
لأ!
أنا شخصيتي مختلفة.
بأحب أساعد الناس،
وخصوصًا، الشابّ "سعيد".
"سعيد" اللي واجه العصابة...
اللي سرقوا بيته وقتلوا عياله،
وحبسوه.
لازم أستثمر في أفكار الشابّ دا. سامعني؟
معلش يا فندم، بس إيه علاقة الكلام دا بالاستثمار؟
إش، إش، إش!
عمّنا وعم الناس، إيه الوجاهة دي؟!
خُد بالك، اللي ما بيكبرش لكبيره،
بيتقَصّ تقديره!
اتفضل بقى، قولّنا إيه أفكارك الاستثمارية.
دا لو عندك أفكار أصلًا!
أفكار بس؟!
خُد بالك!
اللي يستثمر في الصحاب،
أحسن من اللي يستثمر في التراب.
بُص بذمتك!
هايل!
أحسن ما نستثمر في تراب.
قصده، نبعد عن الاستثمار العقاري.
يعني، هو دا اللي حضرتك فهمته من اللي قاله؟!
بس! بس! بس! بس!
رائع! كمّل يا "سعيد"، قول.
يا سعادة الباشا،
أنا بعد ما حاربت كل أفراد العصابة،
أقدر أقولّك اللي اتعلّمته من رحلتي،
واللي اعتمدته.
اسمع دي، وما تسمعهاش من غيري،
السندان بينام مرتاح،
والخاين بيطبّق للصباح!
والخاين بيطبّق للصباح.
الله! انت فاهم قصده هنا إيه؟
قصده إن ما نستثمرش في التطبيقات.
بالفعل، السوق دا بيُقَع. ممتاز!
أكيد طبعًا مش قصده!
دا مش عارف بيتكلم على إيه!
دا بيقول أمثال وِحشة بس!
طيب. أنا هأستسلم خلاص.
قولّنا بقى يا أستاذ "سعيد"، إيه الاستثمار اللي حضرتك جاي عشانه؟
أيوة يا "سعيد" بقى، شوقتنا، قولّنا إيه مشروعك!
أنا جاي النهاردة يا باشا،
أحط إيدي في إيدك،
عشان نتحَد،
ونشتري بيت العيلة والورشة بتاعة أبويا.
عظيم! وأنا موافق.
وأنا مستقيل يا فندم!
عظيم! وأنا موافق.
بس قبل ما أمشي،
عايز أقولّك،
إنك نسيت آخر فرد في العصابة.
عيب عليك!
ودي تفوتني برضه؟!
المعدن الرخيص بيبان،
حتى ولو بعد أوان!
المعدن!
قصده البيتكوين!
"حسين" بيه!
أنا استسلمت!
طب والورشة؟!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
ChatGPT، يا عزيزي، وصل لـ100 مليون مستخدم في أقل من 3 شهور،
ودا وقت قليل جدًا جدًا،
"تيك توك"، يا عزيزي، اللي بيخلّيكش تعرف تنام، خد تقريبًا 9 شهور،
"إنستجرام" اللي ما بيخليكش تعرف تعيش، أخد 30 شهر.
فجأة، العالم كدا قالّك، "يا لهوي! إيه دا؟!
دا باين موضوع الذكاء الاصطناعي دا حقيقة ولّا إيه؟!
واضح إن هو دا المستقبل! الحق يا لا! استثمر يا لا!
حُط يالا فلوسك في الـAI يا لا، خلّيها الـDouble!
واضح إن الـAI هيعمل ثورة معلوماتية، زي ما الإنترنت عملها."
المستثمرين، يا عزيزي، أول ما لمحوا طرف الـAI، ما استنّوش،
"مايكروسوفت"، يا عزيزي، راحت استثمرت 10 مليار دولار
في OpenAI اللي عاملة ChatGPT،
تقييم، يا عزيزي، شركة OpenAI أصبح 30 مليار دولار.
وهنا، يا عزيزي، حصل حماس غير عادي في عالم الاستثمار والشركات.
شركة BuzzFeed أعلنت في يناير 2023
إن جزء كبير من محتواها هيبقى لمساعدة الذكاء الاصطناعي.
وهوب! السهم نط 150%،
بعدها، يا عزيزي، الشركات كلها بَقِت تقول،
"يا جماعة يا مستثمرين، على فكرة، احنا شركة AI!
ولو احنا مش شركة AI، فاحنا بنستخدم الـAI في كل حاجة بنعملها."
الـGraph اللي قُدّامك دا، يا عزيزي، بيورّيك،
عدد المرات اللي تم فيها ذِكر كلمة AI على مدار آخر 10 سنين.
فجأة كدا، يا عزيزي، بتلاقي حصل Boom
في المرات اللي بيتقال كلمة AI أو حاجات Related للـAI،
الفلوس كلها رايحة بتجري هناك.
شركة زي شركة "إنفيديا" سهمها طالع لحد دلوقتي أكتر من 400%،
في أحد الأيام، قيمة الشركة زادت 184 مليار دولار، في يوم واحد.
أنا مش عايزك، يا عزيزي، تعتاد الأرقام!
!Do Not Normalize Billions
دا اتضاف على قيمة شركة في يوم!
"(أبو حميد)، بيني وبينك،
الكلام عن الاستثمار والمليارات والـ400% فتحوا نِفسي على الاستثمار.
(أبو حميد)، أنا هأحط فلوسي في شركات الـAI، وأستفيد من الثورة،
وأعمل 400% زي ما حصل في (إنفيديا) عشان ثورة الـAI،
أو أعمل 13000% زي ما حصل في (تسلا)، عشان ثورة الـElectric Cars،
أو 204000% زي ما حصل في (أمازون) عشان ثورة الإنترنت.
أنا عايز أبقى غني يا (أبو حميد)، وأدوّر فلوس!"
أولًا، انت ما معاكش فلوس تشتري باقة تشوفني على 480 بدل 240!
عزيزي، انت ما تعرفش شكل "الدحّيح" الحقيقي لحد دلوقتي!
أنا أوسم من كدا بكتير! أنا وشي مش كله مربعات!
أنا بأهزر معاك، يا عزيزي، انت معاك فلوس،
وحتى لو كان مبلغ صغير، إن شاء الله مع الاستثمارات يزيد.
ولكن لا تتسرع!
أنا عارف كويس أوي إن انت بتفكر انت وناس كتيرة
ازاي تقدر تستفيد من هذا الموضوع،
شايف إن فيه ثورة في عالم التقنية بتحصل قُدّام عينيك.
ولكن، يا عزيزي، خلّيني أفاجأك،
التصور اللي عندك دا، يا عزيزي،
واحد من أكبر الـMisconceptions في مجال الاستثمار.
دا خطأ شائع، وخلّيني أقولّك ليه.
في خطاب شهير لـ"وارن بافت"
واحد من أعظم، إن لم يكن أعظم مستثمر في التاريخ،
سنة 1999، كان بيتكلم، يا عزيزي، على صناعة العربيات،
وبيقول أد إيه صناعة العربيات دي كانت صناعة ثورية ومهمة جدًا،
غيّرت وقتها، ولحد النهاردة، من شكل المدن وشكل حياتنا.
النهاردة المدينة، يا عزيزي، بقت مُصمَّمة للعربية،
شكل الشوارع ومقاساتها بقت معمولة على مقاس العربية،
مش على مقاس حضرتك.
"وارن بافت" بيحكي ويقول إن انت لو كنت موجود في "أمريكا" في وقت العشرينات،
لمّا كانت هذه الطفرة الصناعية بتحصل،
فكان فيه أكتر من 2000 شركة عربيات في "أمريكا".
لو كنت اتحمست، زي ما انت متحمس دلوقتي كدا،
ورُحت استثمرت في هذه الصناعة العظيمة،
اللي بالفعل تاني، يا عزيزي، هتغيّر العالم،
ما هياش سبّوبة، ما هياش حَجَر كريم سعره غالي، عشان الطلب عليه كبير،
لأ، دي ثورة في التقنية، وثورة في الصناعة.
لو كنت بقى بالحماس دا كله، ورُحت استثمرتلي في شركات العربيات،
كان، يا عزيزي، زمانك فلّست، وبتشوفني على 144.
"ياه يا (أبو حميد)! طب ما كدا مجال العربيات دا مجال غدّار!"
전체 자막은 비디오 플레이어에서 이용 가능
댓글 (0)
로그인하여 댓글 달기인터랙티브 모드
퀴즈
정답:
관련 영상
خطبة جمعة تهتز لها الجبال | خطبة الجمعة لفضيلة الشيخ عمر بن إبراهيم أبو طلحة
خالد صالح يصف حال مصر الان
فيلم الأرض | أعظم فيلم فى تاريخ السينما المصرية.
لما تبقى في كتب كتابك وابو العروسة مش طايقك - | عريس من جهة أمنية |
محل نقاش | "لو كنتِ زوجتي لطلقتك".. اشتباك حاد بين داعية وباحثة على الهواء
New Media Academy Life
퀴즈
정답:
영상을 보면서 퀴즈가 나타납니다
암기 팁
이 영상에서
무료로 언어 학습
