The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
ابزارهای یادگیری هوش مصنوعی را باز کنید
ثبتنام کنید تا به ابزارهای قدرتمندی دسترسی پیدا کنید که به شما کمک میکنند سریعتر از هر ویدیو یاد بگیرید.
الجريمة التي لايعلم عنها أحد | الدحيح
آمار یادگیری
سطح CEFR
سختی
زیرنویسها (698 بخشها)
حبيبي يا عمّي!
هتوحشني يا عمّي!
دي حالة انتحار واضحة!
عمك كان بيكتب رسالة الوداع هنا،
قام من على المكتب، شنق نفسه،
الحبل ما استحملهوش، قام وقع بيه.
دي مستحيل تكون حالة انتحار يا دكتور!
دي جريمة قتل واضحة زي الشمس.
مين حضرتك؟ وازاي تدخل مسرح الجريمة؟!
واضح من البيت، إن المجني عليه كان كبير في السن.
- آه. - واضح كمان إنه ما كانش متجوز،
وإن جسمه مليان.
وأظن من المستحيل حد يبقى ناوي ينتحر،
فيعمل كُباية شاي ومعاها بقسماط، وتلاجته تبقى مليانة لحمة!
حبيبي، ما لحقش ياكلهم!
دا دليلك يعني؟!
هأكتب أنا في التقرير إيه؟ إن المرحوم كان شاري فليتو؟!
آسف يا دكتور! عارف إن مزاجك مش كويس، وجاي مشوار طويل من "حلوان".
كمان، مش سهل أبدًا، تبدأ يومك بخناقة مع مراتك وهي بتكويلك البنطلون!
بس انت برضه اللي غلطان،
ما حدش يقول رأيه في فطار "المدام"!
انت عرفت الكلام دا ازاي؟!
بنطلونك مكوي رجل واحدة.
واضح إن انتم اتخانقتم وقتها.
إيديك عليها ردّة عيش،
واضح إن انت ما فطرتش في البيت، فطرت هنا.
جزمتك مطيّنة، واحنا في عز الصيف،
والأخبار بتقول إن فيه ماسورة ميّه ضربت في "حلوان".
صحيح، ما تبقاش وانت نازل تلاعب بنتك،
عشان قشطت على الـ"كرافتة"!
يا جماعة، أنا تعبت!
ممكن أعرف عمّي اتقتل ولّا انتحر؟!
حاضر.
قلم الضحية، اللي على المكتب، محطوط ناحية اليمين،
وعُقدة المشنقة ربطها واحد أشول،
يبقى مستحيل تكون انتحار.
فعلًا؟! ما يمكن الحبل مربوط جاهز،
أو يمكن عُقدة قديمة عنده.
ساعتها، نقدر نبص على طول الضحية،
متر و70 سم، ارتفاع السقف مترين و80،
والكرسي بكتيره 70 سم، دا غير طول الحبل،
يعني، بحسبة بسيطة، مستحيل يكون طلع لوحده.
أكيد فيه حد خدّره وطلّعه.
كلام منطقي والله!
بس مين ممكن يقتله؟!
فتّش عن الدافع يا دكتور.
راجل كبير، عايش لوحده، ما عندهوش أولاد،
وغالبًا، ما عندهوش أعداء،
وشخص تاني، هدومه مبهدلة، ما نامش بقاله أيام،
وواضح إن هو اتنزق في فلوس، فباع "موبايله"،
ولابس الساعة في إيده اليمين.
يعني، نقدر نقول إنه أشول.
أيوة، تقصد مين يعني؟
ركّز يا دكتور، الموضوع واضح جدًا.
القاتل هو "أحمد"، ابن أخو الضحية...
والوريث الوحيد.
يا سلام! وهي الجرايم بتتحل بالسهولة دي؟!
أيوة، أنا اللي قتلته، أنا اللي قتلته!
ياما طلبت منه فلوس وما ادّانيش!
كان لازم أعمل كدا!
دي طلعِت بتتحل بالسهولة دي!
البشرية ما بتتعلمش أبدًا!
القاتل لا يرث.
والجريمة لا تفيد.
وما فيش لغز صعب على "شيرلوك"، "شيرلوك هولمز".
ثانية واحدة يا حضرة المحقق!
انت عرفت ازاي إن اسمي "أحمد"؟!
بصراحة، دي جت معايا كدا.
آه، Ok.
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
"كدا يا (أبو حميد) انت يعني (المحقق كونان)؟!"
آه، يا عزيزي، مش اكتشفتك؟! مش غامض ومثير؟!
عزيزي، بصراحة كدا، أنا شاكك فيك!
كنت فين امبارح من 6 ونُص إلا خمسة إلى 7 ونُص وخمسة؟
أنا عارف كل تحركاتك،
عشان كدا، جبتلك معايا في هذه الحلقة محقق ومتحقق!
في يوم 1 من كل سنة، بتحتفل الأوساط الأدبية بالـPublic Domain Day،
"يوم الملكية العامة"،
يوم بتكون فيه الـCopyrights بتاعت الشخصيات الأدبية المعروفة،
بتتحول إلى ملكية عامة للعالم كله.
وتتحرر أخيرًا من سُلطة صنّاعها وأروقتهم.
يوم 1 يناير 2023،
كان معاد تحرير شخصية غير عادية،
وهتصبح هذه الشخصية مش بس ملك لصانعها،
إنما ملك للبشر كلهم،
دي أكتر شخصية خيالية تم تصويرها
بمعدّل 250 فيلم و1000 حلقة تليفزيونية.
"إيه يا (أبو حميد)؟ شخصية (الكبير أوي)؟!"
لا، يا عزيزي، بكلمك عن أولًا، محقق، ثانيًا، شخصية عالمية.
الشخصية بتاعتنا من بصة واحدة تعرف أصلك وفصلك وخباياك!
اسمه، يا عزيزي، المحقق "شيرلوك هولمز"،
اللي أخيرًا تحرر وبقى ملكنا كلنا!
قصتنا النهاردة عن أول مالك لـ"شيرلوك هولمز"،
In Fact، الـCreator of Sherlock Holmes،
الـ"سير (آرثر كونان دويل)".
الـ"سير (آرثر)" عقلية نادرة، رياضي بارع، مخترع،
شخصية مغامرة وتنافسية،
والأهم من كل دا، إنه كاتب عبقري.
وممكن بحسابات التضخم،
يكون "آرثر كونان دويل" الكاتب الأعلى أجرًا للكلمة الواحدة في التاريخ.
يا نهار أسود، يا عزيزي، لو الكاتب بيتحاسب بالكلمة!
ويمكن ما بينافسهوش غير "جيه. كيه. رولينج"، بتاعت "هاري بوتر".
ولكن في ذروة نجاح قصص "هولمز"،
اللي تحولت لظاهرة في المجتمع الفيكتوري في "لندن"،
يقرر "آرثر كونان دويل" إنه يرتكب جريمة قتل.
"إيه؟! يا ساتر، يا (أبو حميد)! ليه؟!
طب ما أكيد يا (أبو حميد) (شيرلوك هولمز) هيقفشه!"
خلّيني أطمنك، يا عزيزي، إن دي الجريمة الوحيدة
اللي "شيرلوك هولمز" مش هيقدر يحقق فيها.
"إيه؟! انت كنت متراقب يا (أبو حميد)؟!"
هقولها تاني.
خلّيني أطمنك، يا عزيزي، إن دي الجريمة الوحيدة
اللي "شيرلوك هولمز" مش هيقدر يحقق فيها،
لأن هو الضحية.
"آرثر كونان دويل" بيقرر إنه يقتل شخصية "شيرلوك هولمز" نفسها،
أذكى محقق في عصره!
"إيه يا (أبو حميد) الغباوة دي؟!
يقتل الشخصية الخيالية اللي صنعت مجده ككتاب؟!
دا زي ما تقولّي، (أحمد خالد توفيق) يقتل (رفعت إسماعيل)!
ولّا (نبيل فاروق) يقتل (أدهم صبري)!"
عزيزي، ما هم اتقتلوا!
- "إيه يا (أبو حميد)؟!" - ما هم ماتوا، يا عزيزي. اقرا العدد الأخير.
ودا، يا عزيزي، يقودنا لسؤال مهم،
ليه ممكن كاتب يقرر يقتل أهم وأنجح شخصيات زمنه؟
ليه يدبح بإيده الفرخة اللي بتبيضله دهب؟!
"آرتر" اتولد لأب رسام، ورث عنه حب الفن،
ولكن أبوه عانى من الاكتئاب ونوبات الصرع وإدمان الكحول، مزيج مخيف.
السمة الأساسية في طفولة "آرثر" كانت العنف،
والوضع المالي المتدهور والانتقال من بيت للتاني.
الأم "ماري" عشان تنقذ أطفالها من تأثير الأب عليهم،
كانت بتقعد تحكيلهم قصص بتدور في عوالم الفروسية في القرون الوسطى،
قصص وحواديت كانت منفذ ليهم إن هما يهربوا من الواقع القاسي.
ما فيش، يا عزيزي، مبدع بدون معاناة!
"بس أنا يا (أبو حميد)، عمري ما شُفتك بتعاني!"
يعني انت كنت شُفتني بأبدع؟! خلّيها على الله!
المهم، "دويل" يكبر، ويبقى جواه شغف كبير للكتابة،
ويحلم بإنه يكون واحد من أهم الكُتّاب للروايات،
زي مَثَله الأعلى "والتر سكوت".
لمّا "دويل" بيتم 27 سنة، سنة 1886،
زیرنویس کامل در پخشکننده ویدیو موجود است
با تمرینها یاد بگیرید
تمرینهای واژگان، گرامر و درک مطلب از این ویدیو بسازید
نظرات (0)
برای نظر دادن وارد شویدثبتنام کن و همه امکانات رو باز کن
پیشرفتت رو دنبال کن، واژگان رو ذخیره کن و تمرین کن
حالت تعاملی
آزمون
پاسخ صحیح:
ویدیوهای مرتبط
New Media Academy Life
آزمون
پاسخ صحیح:
آزمونها هنگام تماشای ویدیو ظاهر میشوند
راهنمای حفظ
از این ویدیو
شروع رایگان یادگیری زبان
