The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
Desbloqueie ferramentas de aprendizado com IA
Cadastre-se para acessar ferramentas poderosas que ajudam a aprender mais rápido com cada vídeo.
ألف ليلة وليلة | الدحيح
Estatísticas de aprendizado
Nível CEFR
Dificuldade
Legendas (584 segmentos)
يا "سندباد"، اعتبر الموضوع دا خلصان.
انت بس ابعتلي الولا بالورق، وأنا هأخلّصلك كل حاجة.
تمام؟
ماشي يا حبيبي. في رعاية الله.
سلامي لـ"الشاطر (حسن)"، هه!
يلّا يا حبيبي، في رعاية الله، في رعاية الله!
صباح الخير يا أستاذ جنّي!
والله صباح زي أي صباح!
اتفضل يا سيدي، اؤمر!
عندي أمنية.
طب حلو، ربنا يخلّيهالك وتشوفها عروسة، إن شاء الله!
لأ، أنا جاي أقدّم على أمنية.
آه! نوع الأمنية إيه طيب؟
وهل مستوفي كل ورقك، ولّا هتتعبني؟
أنا نفسي ألاقي الـ40 حرامي!
مرميين في "سويسرا" كلهم!
دا اللي هو ازاي يعني؟!
أمّال انت قصدك إيه؟!
إيه يا جنّي، انت مش عارفني؟!
لأ، مش واخد بالي!
أنا "علي بابا".
لا والنبي!
"علي بابا" اللي هو "علي بابا" بتاع الحواديت؟!
أيوة، بالظبط!
دا انت كبرت وعجّزت وبقيت جدّو "علي" بقى!
بأقولّك إيه، أنا مش فاضيلك!
دا مكتب تحقيق أمنيات محترم!
يا ابني، أنا عندي بس أمنية، إني ألاقي الـ40 حرامي.
ماشي!
هأصغّر عقلي، وأصدّقك!
مبدئيًا كدا، دي أمنية مادية،
محتاجة 10 جنيهات دهب.
- موجودين. - ورّيني الورق.
آه، أوي أوي.
اتفضل!
يا حاجّ!
هو انت شايفني فاضي، فقُلت تيجي تضحّكني؟!
ليه بس، حضرتك؟!
ورقك ناقص!
ليه بس كدا يا أستاذ جنّي؟!
أنا معايا رسالة من الوالي،
آخر عنوان في البردية عنواني،
ومع حضرتك وصل نور وغاز!
عظيم!
فين بقى...
ورق الـ40 حرامي؟!
هه؟!
هل فاكرني بأشم على ضهر إيدي؟!
ساحر، هأطلّعهم من الطاقية؟!
لازم ورق!
بص، انت هتجيبلي شهادات ميلاد الـ40 حرامي،
مع القيد العائلي بتاع كل واحد فيهم.
اللي مات منهم، تجيبلي شهادة وفاته،
وتجيبلي شهادة الدكتور اللي شهد على وفاته!
غير كدا، محتاج تجيبلي الورثة،
عشان أتأكد إن الشخص دا مات وإن الناس دي خدت فلوسها.
ويا حبذا، كل الورق اللي هتجيبه، تصوّره 3 نُسَخ،
مع 40 طابع دمغة،
و2 "سبيرو سباتس" تفّاح!
ودُول لازمتهم إيه؟!
ريقي ناشف والله. أديك شايف الشغل مطلّع عيني ازاي!
مش ملاحق!
أيوة يا ابني!
هاتلي ميّه نار، والسُكّر برة!
خلّيهم اتنين، لو سمحت يا ابني!
حبايب البرنامج، مشاهديه ومشاهداته،
متابعي الحلقات الجديدة، واللي فاتوا،
السلام عليكم ورحمة الله وبركاته.
أهلًا بكم في حلقة جديدة، من برنامج "الدحّيح"!
فأرجوكم، أزيدوا من "لايكاته"، وأكثروا من مشاهداته.
بلغني أيها المشاهد العزيز، ذو الـ"كومنت" الرشيد،
أن ولد صغير في "الصين"، أبوه مات، فنزل السوق يشتغل،
قابل واحد، وقام قايلّه، "أنا عمك، وكنت مسافر،
وجايلك دلوقتي عشان أساعدك."
الساحر دا بيطلع ساحر شرير، عايز الشابّ يساعده عشان يلاقي كنز كبير،
يلف الشابّ مع الساحر، لحد ما يوصلوا لكهف،
وهنا، بيطلب هذا الساحر من الشابّ إنه يدخل هذا الكهف، ويشوف الكنوز،
بيدخل الشابّ يلاقي دهب وياقوت ومرجان و"آيفون 15 برو ماكس"،
ويبدأ ينقل الكنوز دي للساحر دُفعة دُفعة،
"بُص يا عمي لقينا إيه؟! دا احنا هنتمرمغ في الغِنا!"
ثانية واحدة! احنا؟! انت طيب أوي يا ابني!
المهم، الشابّ فضل ينقل لحد آخر نقلة،
قام جاي عمه بطوبة كبيرة وحاططها قُدّام الباب،
عشان الشابّ يتحبس جوا،
الكهف اتقفل عليه تمامًا!
العم كان عايز يضمن إن ما حدش يعرف إن هو اللي سرق الكنز،
وهنا، الشابّ أدرك الحقيقة اللي كانت غايبة عنه،
"يبدو كدا، الراجل دا أولًا مش عمّي،
ثانيًا، يبدو إنه نصّاب!
وأظن كدا إن موضوع الصخرة دا كان حركة متعمدة!"
الشابّ، يا عزيزي، فضل جوا الكهف يعيّط،
ويفتكر أمه الوحيدة، وحبيبته بنت الملك،
"ماليش دعوة!"
المهم، يا عزيزي، هذا الشاب يلاقي مصباح مصدّي ونوره ضعيف،
بيمسح على المصباح بإيده وبيدعكه، وهوبّا، يطلعله جنّي!
بيطلعله الجنّي وبيقولّه، "شُبّيك لُبّيك، عبدك وخدامك ملك إيديك!"
دي، يا عزيزي، حكاية "(علاء الدين) والمصباح السحري"،
واحدة من أشهر قصص "ألف ليلة وليلة"،
انت غالبًا خمنتها في النُص، وفهمت لمّا قُلت "المصباح".
بس، يا عزيزي، فيه Plot Twist صغير،
دي مش قصص "ألف ليلة وليلة".
"انت دارس الكلام اللي انت بتقوله دا؟! (علاء الدين) يبقى (ألف ليلة وليلة)، معروفة."
دي، يا عزيزي، قصة اتضافت لـ"ألف ليلة وليلة"،
ضافها المستشرق الفرنسي "أنطوان جالان"،
اللي يُعتبر أشهر مَن ترجم "ألف ليلة وليلة"،
ولكن، يا عزيزي، القصة دي ليست موجودة في أي مخطوطة اشتغل عليها.
"الله! أمّال هو ترجم القصة دي منين؟!
ومين اللي ادّاله القصة دي يترجمها؟!"
انتظر! لو قُلتلك دلوقتي، مش هتكمّل الحلقة!
حلقتنا، يا عزيزي، النهاردة عن "ألف ليلة وليلة"، هذا الكتاب الأسطوري،
اللي بيوصفه الكُتّاب في الغرب وفي الشرق إنه الكتاب المُلهِم لكل الحكايات.
خلّيني أقولّك، يا عزيزي، إن في الحقيقة والأصل
هما مش ألف ليلة بالظبط،
إنما Actually، Actually، هما بين 270 ليلة و700 ليلة.
"ثانية واحدة يا (أبو حميد)! من 200 لـ700 قصة؟!
الله! أمّال مين اللي كمّلهم لـ1000؟!"
خلّيني أقولّك، يا عزيزي، إن أكيد الإجابة مش "شهرزاد"!
Legendas completas disponíveis no player de vídeo
Pratique com exercícios
Gere exercícios de vocabulário, gramática e compreensão deste vídeo
Comentários (0)
Faça Login para ComentarCadastre-se para desbloquear todos os recursos
Acompanhe seu progresso, salve vocabulário e pratique com exercícios
Modo interativo
Quiz
Resposta certa:
Vídeos relacionados
كم أحتاج وقت وفلوس عشان أصير طيار ؟
عايشة تبهر ستيف هارفى فى المال السريع مترجم | فاميلى فيود
روتانا سينما | المشهد الأكثر إثارة وكوميديا في فيلم عمر وسلمى .. خانها إزاي !! 😱😂
إنشئ متجرك الإلكتروني مجانا في أقل من 5 دقائق وبيع بضاعتك اونلاين | B3NA Create Your Store
اساطير عربية: رحلة السندباد البحري الاولى
New Media Academy Life
Quiz
Resposta certa:
Os quizzes aparecem enquanto você assiste ao vídeo
Dica de memorização
Deste vídeo
Aprenda idiomas de grátis
