The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
ابزارهای یادگیری هوش مصنوعی را باز کنید
ثبتنام کنید تا به ابزارهای قدرتمندی دسترسی پیدا کنید که به شما کمک میکنند سریعتر از هر ویدیو یاد بگیرید.
المراهقة | الدحيح
آمار یادگیری
سطح CEFR
سختی
زیرنویسها (673 بخشها)
انت يا ابني،
اصحى!
اصحى!
بسم الله الرحمن الرحيم! انت مين؟!
بس، بس، اسكت، ما فيش وقت،
أنا انت وانت عندك 30 سنة،
ورجعتلك بالزمن، عشان انت، إن شاء الله، بُكرة،
هتلاقي نفسك بلغت، ومراهقتك هتبدأ.
- أصحى ألاقي إيه؟! - مش مهم،
المهم إن مراهقتك دي هي اللي هتحدد شخصيتك عاملة ازاي وانت أدي.
دي مرحلة مهمة جدًا،
أنا بقيت موظف في بنك، والحمد لله، نجحت.
يا ما انت كريم يا رب!
طب كويس يا عم، أمّال حضرتك عايز إيه؟
زهقت!
زهقت من الروتين اللي أنا فيه!
بقيت راجل ممل وما عندهوش علاقات نسائية.
أنا عايزك توعدني
عايزك توعدني وانت في مراهقتك
إن انت تحب الاحتفال،
تحب التنطيط،
تحب التجارب.
حاضر، حاضر، أوعدك، أول ما أصحى، هأعملّك اللي انت عايزه.
الحمد لله.
الحمد لله.
طيب، خلاص، هأسيبك دلوقتي تنام،
في رعاية الله، في رعاية الله.
مع السلامة.
اطفي النور.
إيه يا Bro، بسرعة يا Bro!
- إيه؟! - أيوة، أنا جيتلك من شوية، صح؟
عايزك تنسى كل اللي قُلتهولك،
وتركّز في مذاكرتك،
عايزك تبقى أكاديمي.
حاضر، حاضر،
إيه بس اللي حصل؟!
بقيت راجل ماجن،
حياتي كلها احتفال وخبط!
وفلوسي طايرة في سواحل البلد كلها،
ومصاحب كذا واحدة على بعض، وعرفوا، وبيدوّروا عليا،
ما حدش بيحترمني،
وبيقولوا عليا وعليك
إني راجل هلّاس!
دا منظر واحد هلّاس؟!
اوعى تعمل كدا!
ما تتعودش في مراهقتك على كدا!
ذاكر جامد، التزم،
اوعى تسمع كلام الراجل اللي قبلي دا!
هيضيعك! أنا عارف. أنا مجرب.
حاضر، حاضر، والله، حاضر.
بُكرة الصبح، أول حاجة.
طيب، الحمد لله،
في رعاية الله،
Bye Bye يا Bro.
ابقى اطفي النور، لو سمحت.
"أحمد"!
"أحمد"، اصحى!
عايز إيه تاني؟!
"أحمد"،
انت لازم في مراهقتك تشم شوية هوا،
ما تسمعش كلامي لمّا جيتلك من شوية،
أنا ضيّعت حياتي في الدراسات والأبحاث،
أنا ما عنديش حياة برة،
ما عنديش صحاب،
أنا ما أعرفش حتى شكل الأنثى دي عامل ازاي!
ما عنديش صحاب، غير زمايلي اللي في الجامعة!
"أحمد"،
حاول تبقى رياضي مثلًا،
أرجوك، العب رياضة،
ركّز في جسمك،
فكك من مخك،
أرجوك!
حاضر، حاضر، حاضر، من عينيا.
أنا بس عايز أنام،
أوعدك، بُكرة كل حاجة هتتحل،
كل اللي انت عايزه،
كل اللي انت عايزه.
مفهوم، مفهوم.
عشان الـRecovery بتاعك، مفهوم.
اتفضل يا أستاذ، شكرًا.
توكل على الله، تصبح على خير.
اطفي النور!
اطلع برة!
ما تجيليش تاني من المستقبل!
سامع؟ أنا مش عايز أعرف حاجة!
سيبني أعيش قصتي!
بأقولّك، اطلع برة،
اطلع برة، بدل ما هأعور نفسي، وأجيبلك عاهة مستديمة!
امشي!
دا إيه النُسَخ المستقبلية الرديئة دي؟!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
عزيزي المُشاهد الجميل، خلّيني آخدك من إيدك، ونطلع على ولاية "فيرمونت" الأمريكية،
تحديدًا سنة 1848.
"هنعمل إيه يا (أبو حميد)؟ هنقابل واحد صاحبك؟"
أيوة، يا عزيزي، هنقابل واحد اسمه "فينياس جيدج"،
دا، يا عزيزي، كان شاب عنده 25 سنة،
الناس كلها بتحبه وبتحترمه وبتقدّره،
راجل هادي ومنظم وبيفكر قبل ما بيتكلم،
ليه الناس ما تحبهوش؟
مش بس كدا، دا راجل مجتهد في شغله،
بيشتغل رئيس عُمّال السكة الحديد.
ولكن، يا عزيزي، اللي بيحصل،
إن أثناء تحضير شُحنة ديناميت عشان يفجروا صخور،
بيحصل انفجار مفاجئ،
والنتيجة، إن بتاعة حديد آد كداهو أطول من متر، قُطرها حوالي 3 سم،
بتخش، يا عزيزي، في خد "فينياس" الشمال،
تخش من هنا تحت العين، تطلع من الناحية التانية!
بتدخل راسه وتخرج!
"يا نهار أسود يا (أبو حميد)!
لا حول ولا قوة إلا بالله! البقاء والدوام لله يا (أبو حميد)."
بالفعل، يا عزيزي، كل الناس اللي شافت الحادثة، اعتبروه ميت،
اللي نعرفه إن لمّا حاجة تعدّي على المخ،
خلاص، الإنسان بيموت.
المفاجأة بقى الكبيرة إن Actually الراجل عايش،
دا مش بس عايش، دا بعد دقايق، كان بيتكلم وبيمشي،
والغريب أكتر إن "جيدج" تعافى تقريبًا تمامًا،
خسر بس عين،
بس غير كدا، الراجل زي الفل،
بيمشي ويتحرك ويتكلم.
"أمّال انت بتحكيلي عنه ليه يا (أبو حميد)؟!"
بأحكيلك عنه، يا عزيزي، لأن كانت هناك حاجة اتغيرت،
شخصيته اتغيرت،
وإيه؟ اتغيرت 180 درجة،
الشاب الهادي المسئول المحترم اختفى،
ظهر مكان هذا الشاب واحد مندفع متقلب المزاج
قراراته متهورة، ما بيلتزمش في شغله وما بيعملش حساب لحد،
صحابه قالوا: "دا يا جماعة مش (جيدج) اللي نعرفه."
الله! أمّال إيه اللي حصل؟
القضيب الحديدي دا وهو بيعدّي من دماغ "جيدج"
عمل ضرر في حتة في المخ،
الحتة دي اسمها القشرة الجبهية الأمامية،
حتة معروفة بالـPrefrontal Cortex، الـPFC.
علماء الأعصاب، يا عزيزي، يجيلهم المريض من دُول في كارثة،
شخصيته اتغيرت، عينيه ما بيشوفش بيها،
زیرنویس کامل در پخشکننده ویدیو موجود است
با تمرینها یاد بگیرید
تمرینهای واژگان، گرامر و درک مطلب از این ویدیو بسازید
نظرات (0)
برای نظر دادن وارد شویدثبتنام کن و همه امکانات رو باز کن
پیشرفتت رو دنبال کن، واژگان رو ذخیره کن و تمرین کن
حالت تعاملی
آزمون
پاسخ صحیح:
آزمون
پاسخ صحیح:
آزمونها هنگام تماشای ویدیو ظاهر میشوند
راهنمای حفظ
از این ویدیو
شروع رایگان یادگیری زبان
