The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
学習統計
CEFRレベル
難易度
字幕 (722 セグメント)
أنا الإله "زيوس" العظيم،
جمعتكم النهاردة بصفتي كبير آلهة الإغريق،
والسيد المُطلَق لجبال "الأوليمب"،
عشان أعلن إعلان هام،
- والنبي يا "زيوس"، قبل الإعلان... - أنا...
عايزين نركّب السخّان، لأحسن إيديا قشّفت من غسيل المواعين بالميّه الساقعة!
"هيرا"! لو قاطعتي كبير الآلهة تاني،
هأحبسك في الجحيم الأبدي!
هو الجحيم الأبدي دا فيه مواعين؟!
- لأ طبعًا. - يبقى أقاطعك تاني، عشان تحبسني.
أنا قررت إن ابننا "هركليز"،
بسم الله، ما شاء الله عليه،
هيكمّل تعليمه في البيت،
هيبدأ عملية الـHome Schooloing.
نعم؟ نعم؟ نعم؟ نعم؟!
"هركليز"، اللي بأمشي أنضّف وراه طول اليوم،
وما بأصدّق Bus المدرسة ييجي ياخده،
هتقعّدهولي كل يوم في البيت؟!
انت بتعمل إيه يا ابني؟!
مش شايفنا بنتكلم عليك؟!
عايز تقلبلي البيت موريستان يا "زيوس"؟!
يا "هيرا"، اسمعيني...
مصاريف المدارس الـInternational بقت تفوق قدرتي كإله إغريقي!
أنا هأخلّيه تلميذ في مدرسة الحياة.
يا ابني، بطّل هبل!
اكبر شوية! انت بتلعب في إيه؟! بتلعب في إيه؟!
بأحاول أشغّلها يا بابا!
- تشغّل إيه؟! - المطرقة.
بأحاول أخلّي المطرقة تتربط بإيدي.
مطرقة إيه؟! انت "هركليز" يا ابني!
اتفضل يا عم "زيوس"!
عاجبك كدا؟! أديك جبتلي الكلام!
يا ابني، المطرقة دي بتاعة الإله "ثور"،
ودا تبع الأساطير الإسكندنافية.
أمّال احنا إيه؟!
يا نهار أسود عليا!
يا ابني، احنا تبع الأساطير الإغريقية،
إيش جاب أساطير "اليونان" لأساطير الشمال؟!
أهو، اتفضل يا عم "زيوس"، اتفضل!
أهو كدا، ومتعلم في المدارس،
ما بالك لو قعدلنا في البيت!
ما هو عشان كدا، عايز أخرّجه منها يا "هيرا"،
يمكن الواد يفلح!
ما انت مش خسران حاجة، أنا اللي هيطلع عيني!
أرجوكي يا "هيرا"!
اشتغلت! المطرقة اشتغلت!
الارتباط الأبدي نجح!
شايف يا بابا؟!
مستحيل المطرقة تتفك تاني،
مش هأسيبك أبدًا يا مطرقتي!
أنا مش موافقة.
يا "هيرا"، أرجوكي!
الواد بيفقد هويته الإغريقية!
بقى متأثر بآلهة الـ"فايكينج"،
بكرة نلاقيه لابس "تي شيرت (هالاند)"!
مش موافقة، يعني مش موافقة!
- هأجيبلك سخّان. - هتركبلي السخّان!
- آه، هأجيبلك سخّان، إيه المشكلة؟ - دلوقتي!
بابا، بابا!
الكهربا مسكت فيا!
يا بابا!
يا بابا!
رُفعَت الجلسة!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
عزيزي المشاهد الجميل، خلّيني آخدك في إيدك لزمان قبل الزمان، ومكان قبل المكان،
كانت آلهة الإغريق بتعيش في تبات ونبات،
قاعدين في جبال "الأوليمب" مستقرين،
وكان وسطهم "كرونوس"، كبير آلهة زمانه.
بيسمع، يا عزيزي، نبوءة إن فيه حد من عياله هيستولى على العرش،
هنا، هيترعب ويفقد عقله،
"ابني مين اللي هيقتلني ويحصل على سُلطتي؟!"
فيقوم، يا عزيزي، يبلعهم واحد ورا التاني.
"إيه؟! يبلعهم ازاي يا (أبو حميد)؟! هما دبابيس فراخ؟!"
بالفعل، يا عزيزي، بلعهم،
هوب! يقوم مدخّل ابنه في بطنه.
"بوسيدون"، خُش، البت "هيرا"، خُشي، "هاديز"، خُش.
فضل، يا عزيزي، يزلط عياله، لحد ما وصل لابنه "زيوس"،
اللي كان لسة في اللفة،
فراحت أم "زيوس" مخبياه، وحاطة بداله طوبة في اللفة.
فهنا، راح "كرونوس"، ما عمّال بقى بياكل عيال كتير،
فقام رايح بلع اللفة بالطوبة،
هنا، "زيوس" ينجو بأعجوبة، و"كرونوس" يتكرّع زلط!
طبعًا، عشان الأسطورة تكمل، "زيوس" بيكبر، وبينجح في انتزاع الحُكم
من أبوه الجبار "كرونوس"، بعد معركة كبيرة،
وبيصبح "زيوس" الحاكم الجديد للآلهة،
وبالتالي، يحكم العالم كله من فوق جبال "الأوليمب".
في حكاية "زيوس"، يا عزيزي، الأرض بتبدأ عهد جديد
مع الجيل الجديد من الآلهة.
أنا بأحكيلك الحكاية دي، يا عزيزي، مش عشان أحكيلك على "زيوس" و"كرونوس"،
ولا أكيد عن "أحمد العوضي"،
وإنما عشان أكلمك عن "أطلس".
"أيوة يا (أبو حميد)، عارفه، مش دا بتاع الخرايط؟! إني كشّاف قديم!"
لا، يا عزيزي، "أطلس" دا اللي اتسمت الخرايط أصلًا على اسمه،
الإله "أطلس"،
دا يبقى ابن أخو "كورونوس"،
اللي يُعتَبر ابن عم "زيوس"،
يعني نظريًا، كان من الجيل الجديد،
ولكنه بدل ما يحارب مع "زيوس"، انضم لجيوش عمه الجبار "كرونوس".
وبعد المعركة، اتحاكم مع الآلهة القديمة
واتحكم عليه، يا عزيزي، حُكم تقيل أوي،
بما إن "زيوس" انتصر، فـ"زيوس" عاقب "أطلس"
بإنه يشيل السما على كتفه،
ويفضل كدا محني وبيلهث، عشان يحرّم يتحدى "زيوس".
"معلش يا (أبو حميد)، ليه (أطلس) اختار إنه يقف ورا الراجل الغلط؟
ليه ما حاربش مع (زيوس)، ابن جيله؟
ليه يقف مع الجيل القديم ضد ابن عمه؟"
عزيزي، دا بصراحة سؤال مهم،
ولكن أنا هأكمل مع الرؤية الإغريقية للعالم،
وهأسأل سؤال تاني خالص،
دلوقتي، "أطلس" مطلوب منه إنه يشيل السما، صح؟
طب فين بقى السما دي؟
يعني، "أطلس"، لا مؤاخذة، هيروح يشيلها منين؟
فين مَلْكة السما؟
بمعنى، هيشيلها شنطة؟ ولّا يرفعها Dumble،
ولّا هيرفعها على كتفه أنبوبة؟
السؤال هنا، يا عزيزي، السما هتتشال منين؟
العالم القديم، يا عزيزي، ما كانش شايف السما زي ما احنا شايفينها دلوقتي،
ما كانش عنده نفس المفهوم عن السما بتاعتنا،
كانوا فاكرين، يا عزيزي، السما كورة برضه،
كورة مُشترَكة في المركز مع الأرض،
فاللي انت بتشوف "أطلس" شايله في التماثيل دا هو السما،
مش الكورة الأرضية،
ولكن برضه السؤال، فين نقطة بداية السما؟
والله، يا عزيزي، العالم القديم، اللي كان بيتكوّن من القارات الـ3،
"آسيا" و"أفريقيا" و"أوروبا"،
كان متأكد حاجة واحدة بس،
هو بيشوف بعينه نهاية كل شيء عند النقطة دي.
دي آخر "أفريقيا"، دي آخر "أوروبا"،
وبداية البحر اللي بتخرج فيه الشمس كل يوم،
يعني، كان متصور إن دي نهاية الأرض،
وطالما نهاية الأرض، يبقى بداية السما،
طبعًا، يا عزيزي، ما كانوش عارفين إن ورا البحر فيه قارتين كبار بحالهم،
"هوت دوج" بهامبرجر بـ50 ولاية،
بـCOP America، بيتلعب الفجر وما حدش بيشوفه،
حياة كاملة ورا النقطة دي!
بس الإنسان في العالم القديم شاف الأرض، خلاص خلصت هنا،
ومن أول هنا، السما،
لدرجة، يا عزيزي، إن هما سمّوا النقطة اللي في البحر اللي أولها السما دي،
بحر "أطلس".
"إيه بحر (أطلس) دا يا (أبو حميد)؟!"
ثانية واحدة يا (أبو حميد)! انت قصدك إن (المحيط الأطلسي)
متسمّي على الإله (أطلس) اللي كانت عليه العقوبة؟!
آه، عشان كدا، بيقولّك: أخر (أفريقيا) وآخر (أوروبا)!
يعني، انت ودّتني وجبتني وطلّعتلي شهادة قيد عائلي للآلهة الإغريق،
完全な字幕は動画プレーヤーで利用可能
コメント (0)
ログインしてコメントインタラクティブモード
クイズ
正解:
関連動画
عمل فيديوهات بالذكاء الاصطناعي مجانا بموقع واحد! يصنع فيديوهات Sora 2 كاملة بضغطة زر وبدون مونتاج
براري أعماق الفلبين اكتشف أغرب المخلوقات والكائنات في عالم البحار الغامضة | كويست عربية بدون موسيقى
افكار لتزيين و تحضير مائدة الخطوبة 💍❤ أفكار اقتصادية لـ تحضير الضيافة ليوم الشوفة او الخطوبة
مشهد نهاية مسلسل يونس ولد فضة للنجم عمرو سعد Younes Weld Fedda
اختبار الرياضيات +🤯✖️ | مسابقة ثقافة عامة | الغاز للاذكياء ➗🤓✖️ | سهل، متوسط، صعب، مستحيل
New Media Academy Life
クイズ
正解:
動画を見ながらクイズが表示されます
覚え方のコツ
この動画より
無料で語学を始める
