The video owner has disabled playback on external websites.
This video is no longer available on YouTube.
This video cannot be played right now.
Watch on YouTube
العبقري الذي أضاء العالم | الدحيح
학습 통계
CEFR 레벨
난이도
자막 (604 세그먼트)
السلام عليكم ورحمة الله وبركاته،
سؤالنا اليوم، هل الوحدات الفيزيائية مِلك للبشرية؟
أم أنها مِلك للطبيعة التي فرضتها علينا؟
لماذا نسمّي وحدة القوة "نيوتن"؟
أليست القوة ظاهرة طبيعية ولا تعتمد على البشر؟
لماذا يحتكر البشر تسمية الوحدات الفيزيائية؟
أليست الطبيعة مِلك للبشر وللحيوانات أيضًا؟
معنا لمناقشة موضوع الحلقة
العالِم الإنجليزي الكبير،
وهو أبو الكهرومغناطيسية، العالِم "مايكل فاراداي".
- أهلًا، "مايكل". - أهلًا وسهلًا، سيادة المذيع.
ومعنا العالِم البريطاني بقى،
العالم "إرنست رذرفورد"، وهو أبو الفيزياء النووية.
- أهلًا، "إرنست". - أهلًا وسهلًا.
دكتور "رذرفورد"، خلّيني أسألك سؤال،
لماذا لا توجد وحدة فيزيائية باسم الزرافة؟
الحقيقة، هو دا اللي ناقص!
لازم العلماء يتواضعوا شوية، ومش كل حاجة يحطوا أساميهم عليها.
احنا هنا بنتكلم عن الكون اللي احنا ضيوف عليه،
ما هِيّاش تِكيّة الحاجّ!
"إفّيه" ظريف، أدّيه 5 زرافة!
إيه دا؟ دكتور "مايكل"، حضرتك اعتمدت وحدة الزرافة خلاص؟
آه، دي وحدة بتقيس ظُرف الـ"إفّيه"،
وبتتقاس من أول زرافة، لحد 1000 زرافة.
على كدا، 5 زرافة دي بقى كمية بسيطة.
آه.
لأن أستاذ "رذرفورد" عقله بسيط،
مش قادر يفهم إن الكميات الفيزيائية دي مُنتَجات بشرية.
الكميات الفيزيائية كميات أملتها علينا قوانين الطبيعة.
وقوانين الطبيعة اكتشفها البشر.
نقوم احنا بقى أي حد معدّي، نسمّي الوحدة باسمه!
دا، حضرتك، من كُتر ما الموضوع هَبّ مننا،
عندنا وحدة فيزيائية على اسم مهندس كهربا.
مهندس كهربا؟!
انت بتتكلم على وحدة المجال المغناطيسي؟
- أيوة. - هي حصّلت؟!
انت بتغلط في "تسلا"؟!
أنا بأدّيله حجمه، دا حتة مهندس كهربا،
وبعدين، مش هو اللي اكتشف المجال المغناطيسي.
ليه أي مجال مغناطيسي في الكون يتقاس بالتسلا؟
فيمتو ثانية واحدة بس يا جماعة!
هي مش "تسلا" دي عربية؟!
يا عم، ابقى حضّر حلقتك انت كمان!
احنا هنا بنتكلم على "نيكولا تسلا".
آه، آه، آه، آه! "نيكولا تسلا"،
الشركة نفسها بتاعة "إيلون ماسك"!
هس! اسكت! اسكت!
عايزك تسأل ضيفك،
إيه وحدة قياس المكثف الكهربي؟
إيه هي وحدة قياس المكثف الكهربي؟
بغَضّ النظر!
إيه وحدة قياس المكثف يا "فاراداي"؟
فاراد، على اسمي.
بس! أهي ظهرت وبانت!
"مستر (فاراداي)" بيدافع عن هذا الحق،
لأن فيه وحدة فيزيائية متسمية على اسمه.
وليه ما نقولش إن انت بتهاجم، عشان ما فيش وحدة فيزيائية على اسمك؟
متحامل!
منحاز!
!Pseudoscience - !Sudocrem -
فيمتو ثانية واحدة!
مين هو "نيكولا تسلا"؟!
أعزائي المشاهدين، السلام عليكم ورحمة الله وبركاته،
أهلًا بكم في حلقة جديدة، من برنامج "الدحّيح"!
في منتصف ليلة 10 يوليو سنة 1856،
بيتولد بطل حكايتنا في قرية "سميليان"،
قرية هادية في المنطقة الحدودية بين "النمسا" و"المجر"،
وحاليًا، في "كرواتيا".
الحقيقة إن لحظة ولادة هذا البطل كانت لحظة مثيرة للدهشة،
لأن وقتها، اشتدت عاصفة رعدية على قرية "سميليان"،
لدرجة إن الداية قالت لأمه وهي خايفة،
"سيكون هذا الطفل طفل العاصفة."
لكن الوالدة "دجوكا" ردّت عليها بثقة وقالتلها،
"لا، بل هو النور الذي سوف يضيء عالمنا."
لمّا بتسمع حواديت بتبدأ بمبالغات درامية بهذا الشكل،
ممكن تشك طبيعي في اللي جاي بعد كدا،
لكن المختلف في الحكاية دي
إنها حلوة في ذاتها، مش محتاجة أي توابل أو Spicies.
ممكن حتى ما نحكيش المشهد اللي احنا قُلناه دا،
لأن بطل الحكاية بتاعتنا مش محتاج أي نوع من المبالغة،
عشان الاختراعات والإنجازات العلمية بتاعة الراجل دا،
من غير الدخول في أي تفاصيل تانية عن حياته،
كفيلة إنها تورّيك إنه من أعظم العلماء والمخترعين على مر العصور.
وأثبت إنه مش بس طفل العاصفة الرعدية،
لكنه مجازًا وحَرفيًا هو الإنسان اللي العالم نوّر بسببه.
"نيكولا تسلا" اتولد وعاش في كنف عيلة دافية،
والدته كانت ست بيت نشيطة بتشتغل زي النملة،
وبتدير شئون البيت بدِقّة ومواعيد وكفاءة،
بتصحى من بدري، تحلب البقر وتوجّه الخدم وتعمل فطار البيت،
ولاحظ كمان الحتة دي،
كان عندها موهبة صُنع أدوات حِرَفية،
وأجهزة ميكانيكية بسيطة بتساعدها في شغل البيت.
أما بقى، أبو "تسلا"، "ميلوتين"،
كان كاهن مثقف بيحب العِلم والأدب،
وممكن نعتبره مُصلِح اجتماعي،
لأنه كان بيحب يكتب مقالات للصحف والمجلات الصربية،
بينادي فيها بإصلاح التعليم الصربي.
وفي هذه الأجواء السِلافية السعيدة،
كبر "نيكولا" وهو مُحاط بالحب والرعاية
وسط إخواته وصديقه المُفضّل قُط الأسرة "ماكاك".
من سن صغير، و"نيكولا" كان محب للطبيعة، ومهووس بفكرة الاستكشاف،
بيقضّي ساعات طويلة يلعب مع إخواته في حوش الكنيسة والمزرعة،
بيجري ورا الفراخ والوِز وبيراقب الغَنَم،
وكان القُط "ماكاك" رفيقه الدائم،
اللي بيشاركه لحظاته السعيدة ومغامراته الاستكشافية دي.
وفي واحدة من الأمسيات الشتوية،
وبينما "نيكولا" بيدلّع القُط "ماكاك" وبيلعب معاه،
لاحظ "نيكولا" ضوء لامع ظهر زي ما يكون شرارة،
ظهرت على فرو القُطة،
"نيكولا" لمّا رجع البيت، سأل باباه عن الظاهرة دي،
فقام الأب قايل لابنه، "دي الكهربا،
دي نفس القوة اللي بتنوّر السما وقت العواصف."
"نيكولا تسلا" بيحكي ويقول إن دا هيبقى أول تفاعل بينه وبين الكهربا،
دا مجاز طبعًا،
وبداية فضوله ناحيتها،
الفضول دا هيفضل ملازمه لحد ما يكبر.
والحقيقة إن دي فكرة مثيرة جدًا للخيال،
إيد إنسان لمّا تحتك بفروة قُطة،
وسحابتين وهما بيخبطوا في بعض،
هيولّدوا نفس النتيجة، شرارة،
ولكن الفرق هنا في الحجم،
전체 자막은 비디오 플레이어에서 이용 가능
댓글 (0)
로그인하여 댓글 달기인터랙티브 모드
퀴즈
정답:
관련 영상
إعجاز علمي يذهل العقول في القرآن الكريم.. د.حسام موافي يشرح
من أعظم مشاهد الراحل محمود عبد العزيز " محفوظ زلطه " عن الفتنة الطائفية فوقوا بقى :(
تعلم العربية: كلمات طفلك الأولى
هو كده عمل الصح وريح دماغه 😂
عمل حيلة ذكيه ليطلعو بسيارتها شاهد ! ـ كشف الاقنعة ـ ميلاد يوسف ـ عابد فهد
New Media Academy Life
퀴즈
정답:
영상을 보면서 퀴즈가 나타납니다
암기 팁
이 영상에서
무료로 언어 학습
